Bumwelta si Bayan Muna Party-list first nominee Atty. Neri Colmenares sa pahayag ni Department of Finance (DOF) Secretary Ralph Recto kaugnay sa paglilipat ng sobrang pondo ng Philippine Health Insurance Corporation (PhilHealth) patungong national treasury.
Sinabi kasi kamakailan ni Recto na tungkulin umano nilang maibigay ang bawat piso sa taumbayan kaya nagkaroon ng paglilipat ng pondo.
“Sleeping funds serve no one,” ani Recto. “Every idle peso is a disservice to every Filipino.”
Sinabi ni Colmenares sa panayam niya kina Ted Failon at DJ Chacha noong Huwebes, Abril 3, na huwag daw labagin ni Recto ang nakasaad sa batas at Konstitusyon.
“Tungkulin naman talaga ng executive 'yan. Gamitin mo ang pondong puwede mong gamitin. Pero huwag mong baliin o i-violate ang batas at Konstitusyon,” saad ni Colmenares.
Permit ng Gabriela para makapag-rally sa Women’s Month, niligwak ng Manila LGU!
Dagdag pa niya, “Fiscal responsibility stops when it transgresses the constitution. That's the first argument we made.”
Samantala, sa isang oral argument na ginanap noon ding Huwebes, ibinahagi ni Supreme Court (SC) Associate Justice Jhosep Lopez ang katiting na porsyentong nasaklaw ng Philippine Health Insurance Corporation (PhilHealth) sa kaniyang hospital bill na halos umabot ng ₱7 milyon.
MAKI-BALITA: SC justice Lopez, less than 2% lang ang na-cover ng PhilHealth sa kaniyang ₱7M hospital bill
