Rep. Acidre, hinamon si Roque na tulungan OFWs na naaresto sa Qatar-Balita

Rep. Acidre, hinamon si Roque na tulungan OFWs na naaresto sa Qatar

May hamon si Tingog Party-list Representative Jude Acidre kay dating Presidential spokesperson Atty. Harry Roque hinggil sa sitwasyon ng ilang Overseas Filipino Worker (OFW) sa Qatar na naaresto matapos umanong magkasa ng political gatherings na labag sa patakaran ng naturang bansa noong Marso 28, 2025 kasabay ng ika-80 kaarawan ni dating Pangulong Rodrigo Duterte.

KAUGNAY NA BALITA: Ilang Pinoy sa Qatar, inaresto at ikinulong dahil sa umano'y 'political demonstrations'

Sa panayam ng media kay Acidre nitong Miyerkules, Abril 2, iginiit niyang isa umano si Roque sa mga nagtulak sa mga Pinoy na naaresto na magkasa ng rally para kay Duterte.

“Sa intindi ko, isa siya sa mga nagbuyo sa ating kawawang mga kababayang naiipit ngayon na magsagawa ng pagtitipon,” ani Acidre.

Dagdag pa niya, hindi raw sapat ang pag-apela lang sa gobyerno ng Qatar dahil ang kailangan daw ng mga Pinoy na naaresto ay legal aid—bagay na kayang ibigay ni Roque bilang isang abogado.

“Wala namang silbi ang appeal-appeal niya sa Qatari authorities. Unang-una, wala siyang legal personality to make the appeal. Pangalawa, fugitive siya dahil sa contempt ng Kamara tapos may kaso pa siyang human trafficking dahil sa POGO. Ang pwede niya talagang maitulong ay legal aid sa mga naaresto sa Qatar,” anang mambabatas.

Matatandaang kamakailan lang nang manawagan si Roque sa gobyerno ng Qatar at inungkat ang umano’y pagiging mabuting kaibigan ng administrasyong Duterte sa nasabing bansa.

“We're appealing to the Qatari authorities, the state of Qatar has always been a very good friend of President Rodrigo Roa Duterte, we are appealing to you to understand the sentiments of our countrymen. They love the [ex] president and they cannot accept the fact that he is now here at The Hague, held as prisoner by westerners," saad ni Roque.

KAUGNAY NA BALITA: Harry Roque, tinawag na 'hypocrite' ni Richard Heydarian matapos umapela sa Qatar

Muli ring pinuna ni Acidre ang pananatili ni Roque sa Netherlands na aniya’y wala naman daw siyang “official business.”

“Wala naman siyang official business sa Netherlands. Hindi naman siya parte ng legal defense team doon, kaya bakit hindi na lang siya tumulong dito sa ating gobyerno upang masiguro ang kaligtasan at hustisya para sa OFWs na nakakulong sa Qatar?” saad ni Acidre.

PRO3, nilinaw pagkaaresto sa mga Aeta sa Mt. Pinatubo

Nagbigay ng paglilinaw ang Police Regional Office - 3 kaugnay sa pagkakadakip sa ilang Aeta na nagsagawa ng protesta Mt. Pinatubo crater noong Abril 18.Sa Facebook post ng PRO3 nitong Biyernes, Abril 26, ang pag-aresto umano nila sa mga Aeta ay nakabatay sa paglabag sa “public passage and unauthorized entry into an environmentally protected area.”“Ang lahat ng aksyon na isinagawa ng ating...

Pope Francis, tinig ng awa, habag, at pag-asa —Pangilinan

Nagbigay ng pagpupugay si dating Senador Francis “Kiko” Pangilinan kay Pope Francis na pumanaw noong Lunes, Abril 21.Sa X post ni Pangilinan nitong Sabado, Abril 26, inilarawan niya ang Santo Papa bilang “tinig ng awa, habag, at pag-asa.” Aniya, “Sa panahon ng matitinding pagsubok at kaguluhan sa mundo, siya ang naging tinig ng awa, habag, at pag-asa.” “Sa kanyang pamumuno, ating...

9-anyos na bata, patay matapos makuryente ng tinatayang 20 minuto

Patay ang isang 9 na taong gulang na batang lalaki matapos umano siyang makuryente nang akyatin ang isang gate sa bakuran ng kapitbahay.Ayon sa mga ulat, iginiit umano ng lola ng biktima na naglalaro lang daw ang kaniyang apo nang mangyari ang aksidente.Samantala, isang netizen din ang inulan ng batikos matapos umano nitong i-live sa Facebook ang nangyayari sa biktima. Tinatayang tumagal din...