'Para mag-viral?' Romualdez, sinabing gawa-gawa lang umano ang mga krimeng kumakalat online-Balita

'Para mag-viral?' Romualdez, sinabing gawa-gawa lang umano ang mga krimeng kumakalat online

Binatikos ni House Speaker Martin Romualdez ang pagkalat ng umano'y "fabricated stories" at "scripted videos" ng mga krimen sa social media para lamang daw mag-viral, sa kabila ng ulat ng Philippine National Police (PNP) na bumaba ang crime rate sa Pilipinas.

Matatandaang noong Pebrero 19, 2025 nang iulat ni PNP chief Gen. Rommel Francisco Marbil bumaba ng 26.76% ang crime rate sa bansa mula noong Enero 1 hanggang Pebrero 14.

BASAHIN: Crime rate sa bansa, bumaba ng 26%, giit ni Marbil; 'Crime is going down!'

“‘Wag tayong maging tagapagsalita ng kasinungalingan," saad ni Romualdez sa isang pahayag nitong MIyerkules, Abril 2.

"While real crime is going down, fabricated stories and scripted videos are spreading like wildfire online. Fear is being peddled for clicks and views. That’s not just irresponsible—it’s dangerous,” dagdag pa niya.

Binigyang-diin pa ng House Speaker na kapag ang mga tao ay nagsasagawa ng krimen para lamang mag-viral, hindi lang daw nila nililinlang ang publiko kundi iniinsulto umano ang mga tunay na biktima.

“When people stage crimes just to go viral, they’re not just misleading the public—they’re mocking real victims and sabotaging police work. It’s an insult to every Filipino who wants genuine peace and order,” ani Romualdez.

Sambit pa niya, “Social media is a powerful tool. But when it’s used to manufacture lies and sow panic, it becomes a threat to national stability. Freedom of speech does not mean freedom to mislead and deceive."

Noong Martes, Abril 1, pinuri ni Romualdez ang PNP, habang binabanggit ang pagbaba ng krimen sa buong bansa.

“Our streets are safer. That’s the truth. But when fake crime content dominates social media, people are made to feel otherwise. We must not let lies erase the progress we’ve made,” anang House Speaker.

Samantala, nauna na ring iginiit ni Marbil noong Marso 29 na nakakaapekto umano ang social media upang magmukha raw malala ang krimen.

“Malinaw sa ating crime data na bumababa ang bilang ng mga insidente, ngunit dahil sa lawak ng exposure ng ilang kaso, lalo na sa social media, nagmumukhang lumalala ang kriminalidad,” aniya.

BASAHIN: Marbil, nanindigang bumababa krimen sa bansa; social media, pinalalala lang daw sitwasyon?

Sen. Bato, planong bisitahin si FPRRD sa ICC: ‘Mag-wig ako para ‘di makilala doon’

Ibinahagi ni Senador Ronald “Bato” dela Rosa na plano niyang bisitahin si dating Pangulong Rodrigo Duterte sa International Criminal Court (ICC) detention center sa The Hague, Netherlands, at kapag natuloy ay magsusuot daw siya ng wig upang hindi siya makilala.Sa isang ambush interview sa Senado nitong Huwebes, Abril 3, sinabi ni Dela Rosa na nais niyang mag-apply para sa Schengen visa upang...

Sigaw ni Sen Imee kay Sec. Bersamin: 'Bring them here!'

Nagbigay ng mensahe si reelectionist Senator Imee Marcos kay Executive Secretary Lucas Bersamin hinggil sa pagpapadalo ng ilang mga gabinete sa imbestigasyon ng Senado hinggil sa umano’y ilegal na pag-aresto kay dating Pangulong Rodrigo Duterte nitong Huwebes, Abril 3, 2025. Sa pahayag ng Senadora bago tuluyang tapusin ang nasabing pagdinig, tahasan niyang tinawag na duwag na mga opisyal ng...

PBBM sa pagpapasalamat ni VP Sara sa kaniya: 'Glad I could help'

Ibinahagi ni Presidential Communications Office (PCO) Usec. Claire Castro ang sagot ni Pangulong Bongbong Marcos nang iparating nila ang pagpapasalamat ni Vice President Sara Duterte dahil mas nagkaroon umano siya ng relasyon at nagkapatawaran sila ng kaniyang ama na si dating Pangulong Rodrigo Duterte. Sa panayam ng media kay VP Sara sa The Hague, Netherlands noong Martes, Abril 1, 2025,...