Nagbigay ng reaksiyon ang abogado at dating presidential spokesperson ni Pangulong Ferdinand "Bongbong" Marcos, Jr. na si Atty. Trixie Cruz-Angeles hinggil sa inilabas na opisyal na pahayag ng isang bakeshop, matapos ireklamo ng isang customer na tagasuporta ni dating Pangulong Rodrigo Duterte.
Nag-ugat ang reklamo dahil hindi umano inilagay ang ipinalalagay na dedication para sa pagdiriwang ng 80th birthday ng dating pangulo noong Biyernes, Marso 28.
Mababasa sa nag-viral na social media post na ipinalagay raw ng customer sa ibabaw ng cake ang "Happy 80th Birthday TATAY DIGONG" subalit hindi raw ito inilagay ng staff ng bakeshop.
"I usually buy cake on yours and nothing is wrong, you always put the dedication. this is what happen today! WHY?" mababasa sa rant ng customer.
'Gagawin nating alaala, kasaysayan na lang ang mahal na bigas!'—Romualdez
Nakarating naman sa kaalaman ng bakeshop ang viral post matapos ma-bash ng kapwa mga tagasuporta ni dating Pangulong Duterte. Naglabas sila ng opisyal na pahayag na mababasa sa kanilang opisyal na Facebook page, Linggo, Marso 30.
"To our Dear Customers,"
"We are aware of an isolated incident involving a cake greeting that has raised concerns online. At Goldilocks, we truly believe in messages that celebrate, uplift, and bring people together - reflecting the joy and togetherness we've always valued. We are always happy to accommodate personalized messages on cakes that have space specially designed for greetings."
"We understand how much these moments mean, and we're taking steps to ensure every customer feels seen, included, and celebrated in every store, every time," anila.
MAKI-BALITA: Bakeshop, naglabas ng pahayag matapos ireklamo ng customer na tagasuporta ni FPRRD
Ibinahagi naman ni Atty. Trixie na isa sa mga tagasuporta din ng dating pangulo, ang Facebook post ng nabanggit na bakeshop. Para daw sa kaniya, hindi "apology" ang inilabas ng bakeshop kundi sinabi lamang na "aware" sila sa nabanggit na insidente.
"Goldilocks offers no apology, just says they are 'aware' of an 'isolated' incident. They say that they are happy to accomodate personalized messages and are taking steps (what steps?) to ensure every customer feels seen, included and celebrated. What does that even mean?" aniya sa kaniyang Facebook post.
"They do not say they have spoken to the employee and that it was a mistake. They just reiterate their vaguely worded policy. This is barely an acknowledgement."
Kaya giit ng abogado, "So, still not buying from Goldilocks. Madaming ibang bakeshops and restos."
Samantala, wala pang tugon, reaksiyon, o pahayag ang pamunuan ng bakeshop tungkol dito.
