Atty. Vic Rodriguez, ibinalandra ebidensyang walang pirma ilang dokumento ng national budget-Balita

Atty. Vic Rodriguez, ibinalandra ebidensyang walang pirma ilang dokumento ng national budget

Muling ipinakita ng dating spokesperson ni Pangulong Ferdinand "Bongbong" Marcos, Jr. at ngayo'y tumatakbong senador na si Atty. Vic Rodriguez ang mga umano'y hawak na ebidensyang magpapatunay na may mga bahaging item sa 2025 General Appropriations Act (GAA) o national budget ang walang pirma o lagda.

Sa isinagawa niyang Facebook Live ngayong Martes, Abril 1, ipinakita ni Rodriguez ang hawak niyang certified true copy ng nabanggit na papeles upang igiit na may basehan ang kanilang petisyon sa Supreme Court na muling busisiin ang nabanggit na national budget.

KAUGNAY NA BALITA: Petisyong ipawalang-bisa 2025 nat’l budget, isinampa nina Rodriguez at Ungab sa SC

"Sasagutin ko lang 'yong nagpapakalat ng fake news na wala raw basehan ang ating petisyon sa Korte Suprema questioning the constitutionality of 2025 national budget," ani Rodriguez.

Bandang 8:34 ng live video, ipinakita na ni Rodriguez ang mga hawak na "resibo" ng bicameral committee report.

"Pakita ko lang po ulit ah, 'yong bicameral committee report, ito po 'yan, pirmado nakita naman po ninyo eh, pirmado," anang Rodriguez habang ipinakikita ang isang pahina.

"Ang nandito naman ay napakaraming blangko," pagpapatuloy ni Rodriquez sabay pakita ng pahina ng report na tinutukoy niya.

"Para lang ho, pangit kasi na magpa-gaslight po tayo eh, 'yong pahintulutan natin sila na bilugin po ang ulo ninyo bagama't ngayon po ay April 1, I don't want you to be fooled by any member of Congress, na lumalabas ho sa pahayagan na wala raw pong basehan 'yong atin pong petisyon pending before the Supreme Court," aniya pa.

"hayan po ang linaw-linaw, minarkahan ko na nga po, blangko eh, blangko 'yan eh! There are 18 items na blangko, hindi ko na po ipakita sa inyo lahat, just some, just to refresh your memory..." anang abogado.

Matatandaang ipinagdiinan na nina House Speaker Martin Romualdez at Senate President Chiz Escudero na walang katotohanan ang mga ibinabatong akusasyon tungkol sa isyung ito.

"The General Appropriations Act, which is the product of any committee or conference committee report, is what is being questioned. That law is complete — there are no blank entries, no omissions, and the amounts add up. Please understand, the budget has around 200,000 lines with titles, project names, and amounts written down," pahayag pa ng senate president.

KAUGNAY NA BALITA: SC, ipinag-utos makakuha ng kopya ng GAA mula sa Palasyo, Senado at Kongreso

KAUGNAY NA BALITA: HS Romualdez at iba pa, sinampahan ng kasong 'falsification of legislative documents at graft and corruption'

'Walang Imee, Camille?' DuterTEN, Honasan, Querubin ineendorso ni FPRRD

Kinumpirma ni Davao City Representative Paolo 'Pulong' Duterte na buo na ang 12 senador na pinal at pormal na ineendorso ng kaniyang amang si dating Pangulong Rodrigo Duterte, sa panayam sa kaniya habang nasa labas ng International Criminal Court (ICC) facility sa The Hague, Netherlands.Binisita ni Rep. Pulong ang kaniyang ama sa detention center noong Martes, Abril 12.Bukod sa...

Tingog wag iboto diin ni VP Sara: 'Boto para sa Tingog, boto para kay Martin Romualdez!'

Ipinagdiinan ni Vice President Sara Duterte na huwag iboto ang Tingog Party-list dahil ang katumbas daw nito ay boto para kay House Speaker Martin Romualdez, na re-electionist naman bilang representative ng Leyte.Batay sa kumakalat na video ng panayam ng media kay VP Sara, nahingan siya ng reaksiyon sa naging pahayag kamakailan ni Tingog party-list Rep. Jude Acidre na naguguluhan umano siya sa...

Malacañang, nagdeklara ng 'National Mourning' sa pagpanaw ni Pope Francis

Inanunsyo ng Presidential Communications Office (PCO) na nagdeklara si Pangulong Ferdinand 'Bongbong' Marcos, Jr. ng 'period of National Mourning' o pambansang pagluluksa sa pagkamatay ng lider ng Simbahang Katolika na si Pope Francis.Mababasa sa Facebook post ng PCO na mananatili ito hanggang 'burial' ng Santo Papa.'President Ferdinand R. Marcos Jr. has declared...