Apat na bala ng baril, nakumpiska sa babaeng pasahero sa Mactan airport

By Richard De Leon

March 31, 2025

In BALITA National

Isang 47-anyos na babaeng pasahero ang nakuhanan ng apat na bala ng baril sa kaniyang hand-carry baggage, sa Mactan Cebu International Airport (MCIA) sa Lapu-Lapu City.

Batay sa ulat ng GMA Regional TV News, nakita ang mga bagay na kahawig ng mga bala ng baril sa loob ng kaniyang bagahe nang dumaan na ang mga ito sa X-ray para sa security screening, noong Huwebes, Marso 27. Ang nabanggit na pasahero ay palipad tungong Tacloban, Leyte. Napag-alaman ding residente siya sa Lapu-Lapu City at nagtatrabaho umano bilang isang Human Resource (HR) manager.

Agad umanong nagsagawa ng ocular inspection ang mga personnel ng Office of Transportation Security sa kaniyang bag kasama ang ilang miyembro ng Philippine National Police (PNP) Aviation Security Unit. Nakita umano sa loob ng pouch ng kaniyang bag ang apat na bala ng baril.

Hindi naman daw naipaliwanag ng babae ang dahilan kung bakit may mga ammunition siya sa loob ng kaniyang bagahe. Inaresto siya sa paglabag sa Republic Act 10591 o Comprehensive Law on Firearms and Ammunition, at paglabag na rin sa Commission on Elections (Comelec) gun ban.

Sumailalim siya sa inquest proceedings noong Marso 28, 2025 at pinayagan namang magpiyansa, Lunes, Marso 31. Habang isinusulat ang artikulong ito, hindi pa malinaw kung kumpirmadong dala-dala niya ang mga bala o biktima lamang ng tinatawag na "Tanim-Bala."

Kamakailan lamang, muli na namang pinag-usapan ang umano'y pagbabalik ng "Tanim-Bala" sa Ninoy Aquino International Airport (NAIA).

MAKI-BALITA: Lalaking magtatrabaho sana abroad, panibagong biktima ng Tanim-Bala?

MAKI-BALITA: 69-anyos na babaeng pasahero, nakaranas umano ng 'laglag-bala' sa airport

MAKI-BALITA: Mga airport personnel na sangkot sa 'laglag-bala,' sinibak sa trabaho!

Sara for President? VP Sara, inalis OVP seal sa kampanya; biro niya, palitan daw ng OP seal

Tila ikinatuwa ng mga tao sa campaign caucus ni Manila Mayoral bet Isko Moreno Domagoso ang biro ni Vice President Sara Duterte.Dumalo si Duterte sa campaign caucus ni Domagoso at ng slate nito sa Tondo sa Maynila nitong Huwebes, Abril 24. Bago ikampanya ang senatorial slate ng kaniyang ama na si dating Pangulong Rodrigo Duterte sa ilalim ng PDP-Laban, tinanggal muna ng bise presidente ang seal...

VP Sara sa P20/kilo ng bigas sa Visayas: 'Para bang hindi kayo nagugutom dito sa Maynila'

May pahayag si Vice President Sara Duterte hinggil sa ₱20 kada kilo ng bigas na ipatutupad ng administrasyon ni Pangulong Bongbong Marcos sa Visayas.Dumalo si Duterte sa campaign caucus ni Manila Mayoral bet Isko Moreno Domagoso at ng slate nito sa Tondo sa Maynila nitong Huwebes, Abril 24. Dito ay kinampanya ni Duterte si reelectionist Senator Imee Marcos, na dumalo rin sa naturang...

'Gagawin nating alaala, kasaysayan na lang ang mahal na bigas!'—Romualdez

Iginiit ni House Speaker Martin Romualdez na magiging 'alaala' at 'kasaysayan' na lamang daw ang mahal na presyo ng bigas, matapos niyang purihin si Pangulong Ferdinand 'Bongbong' Marcos, Jr. sa pagsasakatuparan ng aspirasyon nitong mapababa sa ₱20 per kilo ang presyo nito.“Simula pa lang ito. Gagawin nating alaala, kasaysayan na lang ang mahal na bigas. Sa tulong...