FPRRD, hinikayat mga tagasuportang huwag makialam sa kaniyang kaso sa ICC

By Mary Joy Salcedo

March 30, 2025

In BALITA National

Hinikayat ni dating Pangulong Rodrigo Duterte ang kaniyang mga tagasuportang huwag makialam sa kaniyang kasong “krimen laban sa sangkatauhan” sa International Criminal Court (ICC), ayon kay Vice President Sara Duterte.

"Sinabi niya na huwag tayo makialam sa kanyang kaso sa International Criminal Court," ani VP Sara sa isang panayam na inulat ng Manila Bulletin nitong Linggo, Marso 30.

"Kung gusto ninyo ipahayag ang inyong pagsuporta... ang inyong galit na nararamdaman o kung kasiyahan... sabi niya, huwag natin pag-usapan ang kaso, lalong-lalo na pagdating sa mga complainants o reklamo na nandiyan sa loob sa International Criminal Court," dagdag niya.

Ayon pa sa bise, sinabi raw ni FPRRD na mas mabuting asikasuhin ng kaniyang legal team at maging korte ang proceedings ng kaniyang kaso nang walang impluwensya mula sa labas.

Samantala, binanggit din ni VP Sara na hinikayat naman daw ng dating pangulo ang kaniyang mga tagasuporta na suportahan ang kanilang senatorial candidates sa ilalim ng PDP-Laban sa darating na 2025 midterm elections.

Kasalukuyang nasa kustodiya ng ICC si FPRRD dahil sa kasong “krimen laban sa sangkatauhan” kaugnay ng madugong giyera kontra droga ng kaniyang administrasyon.

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Nakatakdang isagawa ang confirmation of charges hearing ng dating pangulo sa ICC sa Setyembre 23, 2025.

BASAHIN: Confirmation of charges hearing para kay FPRRD, itinakda ng ICC sa Sept. 23, 2025

Kitty Duterte, ibinahagi latest na mensahe ni FPRRD sa kanilang pamilya

Ibinahagi ni Veronica 'Kitty' Duterte ang isang screenshot na naglalaman ng ipinaaabot na mensahe ni dating Pangulong Rodrigo Duterte para sa kaniyang pamilya, habang naka-detine pa rin sa International Criminal Court (ICC) Detention Center sa The Hague, Netherlands.Makikita sa Instagram story ni Kitty ang mensahe raw ng dating Pangulo para sa kaniya, sa kaniyang common law partner na si...

PBBM sa pagpanaw ni Pope Francis: 'It is a profoundly sad day'

Naglabas na rin ng mensahe ng pagdadalamhati si Pangulong Ferdinand 'Bongbong' Marcos, Jr. hinggil sa pagpanaw ni Pope Francis ngayong araw ng Lunes, Abril 21.Mababasa sa kaniyang Facebook post, 'The Philippines joins the Catholic community worldwide in grieving the loss of His Holiness Pope Francis. A man of profound faith and humility, Pope Francis led not only with wisdom but...

Arch. Villegas inalala bilin ni Pope Francis dahil sa tindig niya sa EJK

Sinariwa ni Archbishop Socrates Villegas ang ilang bagay tungkol kay Pope Francis matapos nitong pumanaw nitong Lunes ng umaga, Abril 21.Sa inilabas niyang “message of sorrow and hope” nito ring Lunes, isa sa binalikang alaala ni Villegas kay Pope Francis ay ang ibinigay nitong lakas at pag-asa matapos siyang kutyain at bantaan ng mga tauhan ng gobyerno dahil sa tindig niya sa extrajudicial...