'Zero Remittance Day' ng OFWs, insulto sa mga biktima ng war on drugs —Migrante

By Ralph Mendoza

March 26, 2025

In BALITA

Naghayag ng pagtutol ang Migrante International, isang pandaigdigang samahan ng Overseas Filipino Workers (OFW), sa binabalak na “zero remittance day” bilang pagsuporta kay dating Pangulong Rodrigo Duterte.

Sa programa nina Ted Failon at DJ Chacha nitong Miyerkules, Marso 26, sinabi ni Migrante International Deputy Secretary General Josie Pingkihan na isa umanong insulto sa mga biktima ng war on drugs ang panawagang “zero remittance day” dahil isa itong political action na ginagamit para sa hinahangad na pagbabago ng mga OFW.

“Gusto po naming iparating sa ating mga kababayan na ‘yong ‘zero remittance day’ ay isang political action na ginagamit natin bilang pag-pressure sa ating government sa hangad nating pagbabago…para sa kapakanan ng OFW,” saad ni Pingkihan.

Dagdag pa niya, “Ngayon, ‘yong balak nilang mag-zero remittance day para pauwiin si dating Presidente Duterte, kung titingnan po natin, parang insulto po ‘yan sa mga namatay noong kapanahunan niya.”

Matatandaang Migrante International ang unang nagkasa ng “zero remittance day” noong 2008 bilang pag-alma sa pagpapataw ng mataas na bayarin sa mga OFW sa ilalim ni dating Pangulong Gloria Arroyo.

Samantala, pinakalma naman ni Presidential Communications Undersecretary at Palace Press Officer Undersecretary Claire Castro ang mga OFW na tagasuporta ni Duterte sa binabalak nilang hindi pagpapadala ng pera sa kanilang mga pamilya.

MAKI-BALITA: Malacañang, nagsalita tungkol sa bantang 'zero remittance' ng OFWs dahil kay FPRRD

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...