Sinabi ni GMA news anchor Arnold Clavio na puro na lamang daw tungkol sa pag-aresto kay dating Pangulong Rodrigo Duterte ng International Criminal Court (ICC) ang ibinabalita sa mainstream at social media halos araw-araw, at natatabunan na ang iba pang mga isyu.
"Puro na lang tungkol sa pag-aresto ng dating Pangulong Duterte ang laman ng balita, mainstream at social media, halos araw-araw," mababasa sa Instagram post ni Igan, Lunes, Marso 24.
"Bring Home PRRD !!! Yan ang sigaw ng kanyang mga taga-suporta kahit nasa kamay na ng International Criminal Court ang kapalaran ng dating Pangulo."
"Baka puwede naman na isigaw nating lahat ay 'BRING BACK THE FUNDS.'"
Contestant na niligwak dahil pinaratangang luto ang TNT, nagsalita na
Inisa-isa ng mamamahayag ang mga isyung dapat daw tutukan at huwag matabunan dahil sa pagkakaaresto ng ICC sa dating pangulo.
"As of December 19, 2024, ang PhilHealth ay nakapag-remit ng PHP 60 bilyon na labis na subsidiya sa national treasury . Patuloy na ito ay dinidinig sa Korte [Suprema]."
"> sabi ng Commission on Audit , ang Office of the Vice President ay gumastos ng P375 million ng confi funds;"
"> ang OVP ay iniulat na gumastos ng P125 milyon sa loob ng 11 araw noong 2022;"
"> ayon sa Commission on Audit (COA) , hindi nila mahanap ang nasa P73.3 million na confi funds ng OVP;"
"> ang mga confi funds ay nabigay umano kina Mary Grace Piatos at iba pang aliases;"
"> mga nakabitin na usapin sa 2025 National Budget / General [Appropriations] Act (GAA);"
"Pare-pareho lang kayo nagtatabunan ng mga isyu . Sa huli , dapat lahat ng mga opisyales ng gobyerno ay managot lalo na sa isyu ng paglustay sa kaban ng bayan ."
"Hindi kami nakakalimot !" aniya pa.
