SP Chiz, pinuna pag-alma ni VP Sara sa AFP hinggil sa naging pag-aresto kay FPRRD-Balita

SP Chiz, pinuna pag-alma ni VP Sara sa AFP hinggil sa naging pag-aresto kay FPRRD

Pinuna ni Senate President Chiz Escudero ang umano'y pangangalampag ni Vice President Sara Duterte sa Armed Forces of the Philippines (AFP) hinggil sa hindi umano pagtugon nito noong arestuhin si dating Pangulong Rodrigo Duterte.

Sa panayam ng media kay Escudero nitong Lunes, Marso 24, 2025, tahasan niyang iginiit na hindi umano niya maintindihan ang nais ipunto ni VP Sara.

"Alam mo, hindi ko rin maintindihan yung concern na yun ng ating Vice President. Maliban sa ito'y patuloy, pagpapatuloy ng tila mensahe na common sa kanila, na umaapila palagi sa sandatahang lakas, sa anumang level, anumang issue, anumang kaganapan," ani Escudero.

Iginiit din ni Escudero ang umano'y tila nais pag-awayin ang hanay ng AFP at Philippine National Police (PNP) mula sa naging pahayag ng Pangalawang Pangulo.

"Dahil hindi ko rin maunawaan kung ano yung apila niyang sinasabi kaugnay noon, na yung Presidential Security Command daw ay under ng AFP. Pero anong gusto niyang palabasin? Magbabangayan ang sundalo at ang pulis? Klaro, law enforcement operation yun na nag-assist lamang ang AFP at hindi pwedeng palagan naman na lumaban ang AFP sa kapulisan kaugnay sa law enforcement operation. Bakit ba natin pilit na pinag-aaway yung dalawa?" anang Senate President.

Matatandaang inihayag ni VP Sara sa Senate hearing noong Huwebes, Marso 22, 2025, na inorganisa ni reelectionist Senator Imee Marcos upang imbestigahan ang pag-aresto kay dating Pangulong Duterte, na gusto umano niyang pagpaliwanagin ang AFP na wala raw ginawa matapos maaresto si dating Pangulong Duterte.

"Gusto ko na sumagot ang Armed Forces of the Philippines, kung bakit nila pinayagan na mangyari ito? Because under the law, the Presidential Security Command is in charge of the security of former presidents. So bakit nila hinayaan na mangyari ito sa isang dating Pangulo ng ating bayan?” ani VP Sara.

KAUGNAY NA BALITA: VP Sara, binalingan AFP sa pagkaaresto ni FPRRD: 'Bakit nila hinayaan?'

Dagdag pa ni Escudero: "Hindi dapat mangampi ang AFP kaninuman dapat tumayo sila sa likod ng chain of command at ng Saligang Batas sa ilalim ng commander-in-chief natin at hindi para sa kanila ang maglaro ng pulitika at pumabor sa isang kulay o kabilang kulay man."

Duterte supporters na nakiisa sa ika-80 kaarawan ni FPRRD, pumalo ng mahigit 60,000—PNP

Inihayag ni Philippine National Police (PNP) spokesperson Police Brigadier General Jean Fajardo na nasa mahigit 60,000 mga tagasuporta ni dating Pangulong Rodrigo Duterte ang nakiisa sa pagdiriwang niya ng ika-80 kaarawan mula sa iba’t ibang panig ng bansa. Sa panayam ng Super Radyo DzBB kay Fajardo nitong Linggo, Marso 30, 2025, sinabi niyang naging maayos naman ang naturang malawakang...

Cessna plane, bumagsak sa Pangasinan; piloto at kaniyang estudyante, patay!

Nasawi ang isang piloto at isa niyang student pilot matapos bumagsak ang sinasakyan nilang Cessna plane sa Lingayen, Pangasinan nitong Linggo, Marso 30.Ayon sa Philippine National Police (PNP)-Lingayen, naisugod pa sa ospital ang 32-anyos na piloto at 25-anyos na student pilot ngunit idineklara silang dead on arrival.Pareho raw lalaki ang dalawang biktimang sakay ng naturang two-seater...

FPRRD, hinikayat mga tagasuportang huwag makialam sa kaniyang kaso sa ICC

Hinikayat ni dating Pangulong Rodrigo Duterte ang kaniyang mga tagasuportang huwag makialam sa kaniyang kasong “krimen laban sa sangkatauhan” sa International Criminal Court (ICC), ayon kay Vice President Sara Duterte.'Sinabi niya na huwag tayo makialam sa kanyang kaso sa International Criminal Court,' ani VP Sara sa isang panayam na inulat ng Manila Bulletin nitong Linggo, Marso...