Pagbalik ni FPRRD sa Pilipinas, imposible na? sey ng isang abogado

By Kate Garcia

March 21, 2025

In BALITA National

Inihayag ni Atty. Joel Ruiz Butuyan–isang accredited lawyer ng International Criminal Court–na imposible na umanong makabalik ng Pilipinas si dating Pangulong Rodrigo Duterte.

Sa ambush interview ng media kay Butuyan nitong Biyernes, Marso 21, 2025, iginiit niya na nakadepende pa umano sa magiging desisyon ng ICC kung pansamantalang makakalaya ang dating Pangulo.

“I don’t think makakabalik pa siya,” ani Butuyan.

Paglilinaw pa niya, “Until magkaroon ng ruling ang ICC kasi nasa jurisdiction ng ICC, so it’s going to be the ICC which going to say kung babalik siya o hindi.”

Isinaad din ni Butuyan ang maaari umanong maging desisyon ng ICC kay dating Pangulong Duterte.

“So it’s either ma-di-dismiss ‘yong kaso, mabibigyan siya ng interim release na papuntahin siya dito…” saad ni Butuyan.

Matatandaang noong Marso 11 nang maaresto si dating Pangulong Duterte sa Ninoy Aquino International Airport sa bisa ng arrest warrant na ibinaba ng ICC para umano sa kaso niyang crime against humanity.

MAKI-BALITA: 'Krimen laban sa sangkatauhan' dahilan ng arrest warrant vs FPRRD – PCO

Balita, isa sa 'most trusted tabloids' sa bansa—survey

Itinanghal ang 'Balita' bilang isa sa 'most trusted tabloids' sa Pilipinas batay sa isinagawang survey ng isang research firm, mula Abril 14 hanggang Abril 16, sa respondents na 1,600 Pilipino sa buong bansa. Nakakuha ng 15% trust rating ang Balita, ka-tie ang Pilipino Star Ngayon, na parehong nasa pangalawang puwesto. Nanguna naman Abante na may 19%.Sumunod naman sa Balita...

Pagpapapako ni Ruben Enaje sa krus, matutuldukan na ngayong taon?

Muling nasaksihan ng mga residente at maging ng libong turista ang taunang Senakulo sa bayan ng San Fernando, Pampanga noong Biyernes Santo, Abril 18, 2025. Sa ika-36 taon ng kaniyang pagpapapako sa krus at pagganap bilang Hesus, ito na raw ang tila kahuli-hulang Senakulong posibleng itanghal ni Ruben Enaje.Si Ruben, 64 taong gulang ang kilalang deboto at namamanatang gumaganap bilang Hesus sa...

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...