Pagkabuwag ng UniTeam, walang kinalaman sa pag-aresto kay FPRRD – Malacañang

By Mary Joy Salcedo

March 14, 2025

In BALITA National

Iginiit ng Malacañang na walang kinalaman ang pagkabuwag ng tambalang Pangulong Bongbong Marcos at Vice President Sara Duterte na “UniTeam” sa pagkaaresto kay dating Pangulong Rodrigo Duterte.

Sa isang panayam nitong Biyernes, Marso 14, sinabi ni Presidential Communications Office (PCO) Undersecretary Claire Castro na kahit nabuwag na ang UniTeam, gagampanan pa rin daw ang administrasyong Marcos ang “commitment” nito sa Interpol na makipagtulungan dito sa pag-aresto kay FPRRD at idala sa International Criminal Court (ICC).

"Of course, we will just abide by the law," ani Castro na inulat ng Manila Bulletin.

“Kung ano man po ang kasunduan, kahit sino pa po 'yan, meron pang UniTeam, walang UniTeam, it will be the same. Hindi po tayo pwedeng magkaroon ng special treatment dahil may friendship," dagdag niya.

Matatandaang sina PBBM at VP Sara ang naging mag-running mate noong 2022 elections sa ilalim ng “UniTeam.” Samantala, nagsimulang maging usap-usapan ang pagkabuwag ng relasyon ng dalawa nang magbitiw si VP Sara bilang kalihim ng DepEd at bahagi ng gabinete ni PBBM.

Samantala, noong Martes, Marso 11, nang arestuhin si FPRRD dahil sa bisa ng arrest warrant ng ICC dahil sa umano’y “krimen laban sa sangkatauhan.”

MAKI-BALITA: 'Krimen laban sa sangkatauhan' dahilan ng arrest warrant vs FPRRD – PCO

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...