PCO Usec. Castro kay Harry Roque: ‘Hindi kami nagbebenta ng Pangulo!’-Balita

PCO Usec. Castro kay Harry Roque: ‘Hindi kami nagbebenta ng Pangulo!’

Sinagot ni Presidential Communications Office (PCO) Usec. Claire Castro ang patutsada ni dating Presidential spokesperson Harry Roque na kahit gaano raw kagaling na "salesman" silang mga opisyal ng PCO, mahihirapan daw silang ibenta “kung hindi maganda ang produkto" nila.

Matatandaang kamakailan lamang, sinabi ni Roque na “good luck” daw kina Catro at newly appointed PCO secretary Jay Ruiz dahil mahirap aniya ang maging parang “salesman.”

“Aminado akong mahirap maging messenger ng administrasyon kasi para kang salesman eh. Kinakailangan ibenta mo yung presidente mo. Pero alam lahat ng salesman kahit gaano ka kagaling na salesman, kung hindi maganda ang produkto, mahihirapan kang ibenta,” ani Roque, na naging tagapagsalita ni dating Pangulong Rodrigo Duterte.

“So all I can say good luck sa mga bagong PCO officials na si Jay Ruiz at si Claire Castro,” dagdag niya.

Sa isinagawa namang press briefing nitong Lunes, Marso 3, hiningian si Castro ng reaksyon sa nasabing pahayag ni Roque.

“Naniniwala po talaga kami na mahirap ibenta ang bulok o masamang produkto. Mahirap po talagang ibenta kapag ang binebenta mo ay kailangan mo pang linisin ang mga sinasabi. Mahirap ibenta ang mga tao na ang laging nababanggit ay ‘joke lamang ‘yan,’” giit ni Castro.

“Hindi po kami salesman dito. Kami po ay messenger. Ang salesman po kasi kailangan maganda ang bokadura mo. Kailangan ibenta kahit minsan ay hindi totoo yung mga sinasabi mo, para lang mabenta ang isang tao at isang produkto.”

Giit pa ng PCO undersecretary, hindi raw sila salesman dahil hindi sila nagbebenta ng pangulo o gobyerno, bagkus ay inilalahad lamang daw nila ang mga programa ng administrasyon para sa mga Pilipino.

“Sa amin po, messenger kami, hindi kami nagbebenta ng Pangulo o ng gobyerno. Pinapakita lamang at inilalahad namin kung ano ang maaaring makuha ng taumbayan sa ating gobyerno, kung anong pwedeng itulong ng ating gobyerno sa taumbayan. So hindi po kami salesman, kami po ay messenger,” saad ni Castro.

Habang sinusulat ito’y wala pa namang reaksyon si Roque sa naturang pahayag ni Castro.

Higit 200 pasahero sa nag-crash na Air India plane, patay; isa, nakaligtas!

Patay ang halos lahat ng sakay na pasahero ng bumagsak na Air India plane sa Ahmedabad, Huwebes, Hunyo 12.Sa ulat ng international media outlets, patungong Gatwick Airport sa London ang eroplano subalit ilang minuto lamang ay nag-take off ito at bumagsak sa isang residential area sa western city of Ahmedabad.Itinuturing umano itong 'world's worst aviation disaster in a...

VP Sara 'hostage' si Sen. Imee, kailangang ibalik sa Pinas si FPRRD

May biro si Vice President Sara Duterte patungkol kay Sen. Imee Marcos, na kasama niyang dumalo sa pagdiriwang ng ika-127 anibersaryo ng Araw ng Kalayaan, sa piling ng mga OFW sa Kuala Lumpur, Malaysia.Sa talumpati ni VP Sara, pabiro niyang sinabing kaya lagi niyang kasama si Sen. Imee ay dahil 'hostage' niya ito at kailangang ibalik sa Pilipinas si dating Pangulong Rodrigo Duterte na...

Dalawang paslit sa Leyte, pinagtataga ng step-father, patay; nanay, kritikal!

Dead on arrival ang dalawang batang magkapatid matapos pagtatagain ng kanilang amain sa Albuera, Leyte.Ayon sa mga ulat, selos umano ang pinag-ugatan ng pananaga ng suspek matapos silang magtalo ng ina ng mga biktima. Sa labas ng bahay natagpuan ang walang buhay na katawan ng pitong taong gulang na bata habang nasa loob naman ng bahay ang kapatid niyang apat na taong gulang.Habang nananatili pa...