Nakiisa ang Caritas Philippines sa mga panawagan kay Senate President Chiz Escudero hinggil sa maagang pagsisimula ng paggulong ng impeachment trial laban kay Vice President Sara Duterte. 

Sa inilabas na pahayag ni Caritas Philippines president Bishop Jose Colin Bagaforo ng Kidapawan, iginiit niyang tungkulin  umano ng gobyerno na magbigay ng agarang tugon sa mga naisumite ng impeachment cases. 

 "Once an impeachment complaint is filed, government institutions must act swiftly and decisively," ani Bagaforo.

Dagdag pa niya, "Delays and hesitations in the process only weaken our democratic institutions and erode public trust in governance."

Matatandaang nauna nang ihayag ni Escudero na sisimulan umano ang paggalaw ng impeachment trial ni VP Sara pagkatapos ng State of the Nation Address (SONA) ni Pangulong Ferdinand "Bongbong" Marcos, Jr sa Hulyo, 2025.

National

Character development? Sen. Erwin Tulfo, aminadong suportado ang drug war noon!

KAUGNAY NA BALITA: Impeachment trial kay VP Sara, sisimulan pagkatapos ng SONA – SP Chiz

Kaugnay nito, kamakailan lang nang ihayag ng Senate President sa  publiko ang umano'y proposed calendar nila hinggil sa impeachment ng pangalawang pangulo. 

KAUGNAY NA BALITA: ALAMIN: Proposed calendar ni SP Chiz hinggil sa impeachment trial ni VP Sara

Samantala, dagdag pa ni Bishop Bagaforo na nakamasid umano ang taumbayan hinggil sa magiging tugon ng matatas na lider ng bansa tungo sa pagkamit ng katotohanan.

"The people are watching, and they deserve to see their leaders prioritize accountability above political maneuvering," saad ni Bagaforo.