Sa pagdiriwang ng Women’s Month ngayong Marso, ibinahagi ni dating Senador Leila de Lima ang kaniyang pagka-proud sa panganay na anak na may “autism spectrum.”
Sa isang X post nitong Linggo, Marso 2, ipinakita ni De Lima ang larawan ng kaniyang anak na si Israel at ang ipininta nito.
“I am so blessed with, and proud of my eldest son, Israel, who is on the autism spectrum,” ani De Lima, ang first nominee ng Mamamayang Liberal (ML) Partylist.
“He has an incredible talent for painting, and this is his latest masterpiece. Magnificent, di ba? I love him so much!”
Binati rin ng dating senador ang mga kapwa niya nanay na may anak na may autism spectrum kaugnay ng pagdiriwang ng Women’s Month na tinawag niyang “Ausome Mothers.”
“Happy Women’s Month to us, Ausome mothers!” saad ni De Lima.