Russian divers na natagpuang patay sa Batangas, inatake raw ng pating?

By Kate Garcia

February 28, 2025

In BALITA Probinsya

Patay na nang matagpuan ang dalawang Russian divers na nag-scuba diving sa bahagi ng Pulang Bato sa Verde Island, Batangas City.

Ayon sa ulat ng Unang Balita ng GMA Network,apat na divers umano ang magkakasamang lumusong sa dagat, ngunit dalawa na lamang sa kanila ang nagawang makaahon nang buhay bunsod ng paglakas ng alon.

Hinihinalang nagkaproblema umano ang diving equipment ng isang nasawing biktima na posible umanong dahilan upang hindi na ito makaahon pa.

Samantala, tinatayang inabot naman ng isang oras bago pa tuluyang mahanap ang isa pang dayuhang diver na ‘di umano’y inatake raw ng pating, dahil ayon sa rescuers, natagpuan nila ang bangkay ng biktima na wala na umano ang kanang kamay.

“May mga pating din na inikutan siya. So, nakitang ano doon, possibility naputol yung kamay kasi nagkaroon ng shark attack,” ani Captain Airland Lapitan, Station Commander ng Philippine Coast Guard-Batangas.

Patuloy pa rin umano ang follow-up investigation ng mga awtoridad upang matukoy ang tunay na sanhi ng insidente.

62% ng mga Pinoy, naniniwalang mahalagang harapin ni FPRRD kaso sa ICC

Tinatayang 62% ng mga Pilipino ang naniniwalang mahalagang personal na harapin ni dating Pangulong Rodrigo Duterte ang kaso niyang “krimen laban sa sangkatauhan” sa International Criminal Court (ICC) sa The Hague, Netherlands, ayon sa WR Numero Research.Base rin sa inilabas na survey ng WR Numero nitong Biyernes, Abril 11, 20% naman ng mga Pinoy ang nagsabing hindi mahalagang harapin pa ng...

Matapos mabaril: Kerwin Espinosa, handang tumestigo sa ICC hinggil sa drug war

“Handang-handa ako kahit anong mangyari…”Binigyang-diin ng self-confessed drug lord at Albuera, Leyte, mayoral aspirant na si Rolan 'Kerwin' Espinosa na handa siyang tumestigo sa International Criminal Court (ICC) kaugnay ng mga pulis umanong sangkot sa war on drugs upang mabigyan daw ng hustisya ang kaniyang ama.Sinabi ito ni Espinosa sa panayam ng mga mamamahayag na inilabas ng...

'Green-influencer' Celine Murillo, umalma sa panghihimasok ng 96 guwardiya sa Sitio Marihangin

Nagbigay ng reaksiyon ang tinaguriang “green-influencer” na si Celine Murillo kaugnay sa panghihimasok umano ng 96 na pribadong guwardiya sa Sitio Marihangin, Bugsuk, Balabac, Palawan.Sa latest Facebook post ni Celine nitong Biyernes, Abril 11, sinabi niya ang kalagayan ng mga katutubong Molbog sa naturang lugar.“May 96 private ‘blue guards’ ngayon sa Sitio Marihangin, Bugsuk, Balabac,...