Dead on arrival ang isang lalaki matapos saksakin sa dibdib ng kaniya umanong pinagkakautangan sa Pagsanjan, Laguna.
Ayon sa ulat ng Saksi ng GMA Network noong Huwebes, Pebrero 27, 2025, tinatayang nasa ₱2,000 daw ang utang ng biktima sa suspek. Lumalabas din sa imbestigasyon na isa umanong kolektor sa small town lottery ang biktima.
Samantala, matapos ang pagtatangkang magtago, tuluyang nasakote sa manhunt operation ng mga awtoridad ang suspek.
Depensa umano ng suspek, sa halip na magbayad, ay pinagmumura pa raw siya ng biktima. Nahaharap sa reklamong murder ang suspek.
Probinsya
