Ex-VP Leni, inendorso si Chel Diokno: ‘Kailangan natin ng may paninindigan!’

By Mary Joy Salcedo

February 24, 2025

In BALITA Eleksyon

Sa kaniyang pag-endorso kay Akbayan first nominee at human rights lawyer Atty. Chel Diokno, iginiit ni dating Vice President Leni Robredo na kinakailangan ng bansang magluklok sa Kongreso ng mga kandidatong hindi “magigiba ang prinsipyo at may paninindigan.”

Base sa isang video na inilabas ng Akbayan nitong Linggo, Pebrero 23, binanggit ni Robredo ang ilang mga credential ni Diokno tulad ng pagiging pinuno nito ng Free Legal Assistance Group at pagbibigay ng serbisyong legal.

“Haligi ng karapatang-pantao, pinuno ng Free Legal Assistance Group, nagbibigay ng libreng serbisyong legal sa ating mga kababayan, Atty. Chel Diokno,” ani Robredo.

“Kailangan natin ng mahusay na abogado, hindi magigiba ang prinsipyo at may paninindigan. Tapat at maaasahan ninyo, at sisiguruhing ang serbisyong legal ay mabibigay sa ating mga kababayan. Ipanalo natin si Atty. Chel Diokno,” saad pa niya.

Kasalukuyang tumatakbo si Diokno bilang first nominee ng Akbayan Partylist sa 2025 midterm elections na inaasahang gaganapin sa Mayo 12, 2025.

Kolumnistang naglathala ng umano’y ‘panunuhol sa impeachment’ laban kay VP Sara, kinasuhan ng NBI

Naghain ng reklamong cyber libel ang National Bureau of Investigation-Central Visayas Regional Office (NBI-CEVRO) laban sa isang kolumnistang nagpakalat umano ng malisyosong balita kaugnay ng impeachment laban kay Vice President Sara Duterte.Ayon sa mga ulat, nauwi sa pagsasampa ng reklamo ang NBI-CEVRO laban kay Rigoberto Tiglao matapos umanong ipakalat ng naturang koluminista ang isa raw walang...

Sen. Risa sa mga Pinoy sa Canada matapos ang trahedya: ‘Nandito kami para sa inyo’

Nakidalamhati si Senador Risa Hontiveros sa mga nabiktima ng nangyaring pag-araro sa mga Pilipinong nagsasagawa ng Lapu-Lapu Day Celebration sa Vancouver, Canada noong Sabado, Abril 26.Matatandaang nagsagawa ang libo-libong mga Pilipino ng pagdiriwang para sa Lapu-Lapu Day sa Vancouver nang araruhin ang mga ito ng isang SUV.Nasa 11 na umano ang nakumpirmang nasawi habang hindi pa mabilang kung...

Makabayan bloc, hinikayat ang supporters na kompletuhin senatorial line-up

Nanawagan ang Koalisyong Makabayan sa kanilang mga tagasuporta na punuin ang 12 senatorial line-up sa darating na 2025 midterm elections.Sa Facebook post ng Makabayan nitong Lunes, Abril 28, sinabi nilang bagama’t 11 lang umano ang senatorial aspirant sa kanilang slate, ipinauubaya nila sa kanilang tagasuporta ang ika-12 senador na ang tindig sa mga isyu ay malapit sa koalisyon.“We need a...