Papalit bilang bagong acting secretary ng Presidential Communications Office (PCO) ang dating ABS-CBN reporter na si Jay Ruiz matapos magbitiw sa posisyon ni veteran broadcaster Cesar Chavez.
Sa isang text message nito Huwebes, Pebrero 20, sinabi ni Chavez na ipapakilala niya si Ruiz sa PCO sa darating na Lunes, Pebrero 24, kung saan sisimulan na rin daw nila ang transisyon.
"I informed him (Ruiz) that I will introduce him to the PCO Mancom on Monday, Feb. 24, so he can begin a week-long transition, so that by March 1, it’s already a plug-and-play for him as the new PCO Secretary," ani Chavez.
"I am also hoping that this kind of transition can be institutionalized in all other agencies," saad pa niya.
PBBM, kinilala 3 Pinay na nakarating na sa lahat ng 193 mga bansa sa buong mundo
Matatandaang nito lamang ding Huwebes ng umaga nang ianunsyo ni Chavez na nagpasa na siya ng kaniyang irrevocable resignation noong Pebrero 5, at sa Pebrero 28, 2025 daw ang kaniyang huling araw sa opisina.
"Although there is much for which I am grateful and a long list of people to thank, I leave with only one regret: in my estimation, I have fallen short of what was expected of me,” ani Chavez.
"It is to this fidelity to the truth—the bedrock belief to which I have anchored myself as a former broadcast journalist—that I must tell the unvarnished truth about my resignation," dagdag niya.
MAKI-BALITA: Cesar Chavez, nagbitiw na bilang PCO chief
Kasalukuyang naka-leave si Chavez mula noong Lunes, Pebrero 17, at hanggang bukas ng Biyernes, Pebrero 21.
MAKI-BALITA: PCO chief Cesar Chavez, naka-leave sa susunod na linggo
