3 weather systems, magdudulot ng pag-ulan sa malaking bahagi ng PH – PAGASA

By Mary Joy Salcedo

February 14, 2025

In BALITA National

Inihayag ng Philippine Atmospheric, Geophysical and Astronomical Services Administration (PAGASA) ngayong Biyernes, Pebrero 14, na ang shear line, easterlies, at Intertropical Convergence Zone (ITCZ) ang inaasahang magdudulot ng mga pag-ulan sa malaking bahagi ng bansa.

Base sa tala ng PAGASA kaninang 4:00 ng madaling araw, inaasahang makararanas ng maulap na kalangitan na may kasamang mga kalat-kalat na pag-ulan at isolated thunderstorms ang Batanes at Babuyan Islands dahil sa shear line o ang linya kung saan nagsasalubong ang mainit at malamig na hangin.

Malaki rin ang tsansang makaranas ng maulap na kalangitan na may kasamang kalat-kalat na pag-ulan at thunderstorms ang Bicol Region, Eastern Visayas, Mainland Cagayan, Isabela, Aurora, at Quezon dulot ng easterlies o ang mainit na hanging nagmumula sa karagatang Pasipiko.

Maulap na kalangitan na may kasamang mga kalat-kalat na pag-ulan at thunderstorms din ang inaasahang mararanasan sa Northern Mindanao, Caraga, at Davao Region dahil sa ITCZ.

Posible ang pagbaha o kaya nama’y pagguho ng lupa o landslide sa mga nasabing lugar kung magkakaroon ng malalakas na pag-ulan.

Samantala, inaasahan ding magdudulot ang ITCZ ng medyo maulap hanggang sa maulap na kalangitan na may kasamang isolated rainshowers o thunderstorms sa mga natitirang bahagi ng Mindanao.

Medyo maulap hanggang sa maulap na kalangitan na may kasamang isolated rainshowers o thunderstorms din ang inaasahang mararanasan sa mga natitirang bahagi ng Mindanao bunsod pa rin ng easterlies.

Posible ang pagbaha o pagguho ng lupa rito tuwing magkakaroon ng malalakas na thunderstorms.

Samantala, inihayag ng PAGASA na walang direktang epekto ang namataang low pressure area (LPA) sa timog-kanluran ng Pagasa Island, Kalayaan, Palawan sa labas ng Philippine area of responsibility (PAR), at maliit daw ang tsansang mabuo ito bilang bagyo.

Kiko Matos, sinunog mga 'ignoranteng' inokray si Atty. Kiko sa paglantak ng buro't mustasa

Pinalagan ng social media personality at aktor na si Kiko Matos ang panlalait ng ilang netizens kay dating vice presidential candidate at ngayon ay umaasam na muling makabalik sa Senado na si Atty. Kiko Pangilinan, matapos kumalat ang video niya habang kumakain ng 'dahon ng saging.'Pero pambabarda ni Kiko sa mga netizen, hindi dahon ng saging ang nilantakan ni Kiko kundi buro at mustasa,...

Rodante Marcoleta, suportado ng partido ni Miriam Santiago

Inendorso si SAGIP Party-list at senatorial aspirant Rodante Marcoleta ng People’s Reform Party (PRP), partido ng yumaong si Senator Miriam Defensor Santiago.Sa Facebook post ni Santiago nitong Miyerkules, Abril 23, hinimok ni PRP President Narciso Y. Santiago, Jr. na suportahan si Marcoleta.Ayon sa pangulo ng PRP, kinakatawan umano ni Marcoleta ang “reform-driven principle” ng dating...

₱20 na bigas ng PBBM admin, kinontra ni VP Sara: 'Hindi pantao, panghayop'

Pinatutsadahan ni Vice President Sara Duterte ang nakatakdang paglulunsad ng ₱20 na bigas ng administrasyon ni Pangulong Ferdinand “Bongbong” Marcos Jr. Sa panayam ng media kay VP Sara nitong Miyerkules, Abril 23, 2025 , tahasan niyang iginiit na tila hindi umano pantao ang nasabing programa ng administrasyon.“Mayroon akong pagdududa ha? Na magbebenta sila ng 20 per kilo na bigas pero...