Yexel Sebastian walang kaso, walang hold departure, hindi wanted-Balita

Yexel Sebastian walang kaso, walang hold departure, hindi wanted

Makalipas ang lagpas isang taon ay muling nagparamdam sa social media ang kontrobersiyal na dancer, toy collector, at social media personality na si Yexel Sebastian, para linawin ang ilang mga isyu patungkol sa kaniya.

Sa kaniyang social media posts noong Enero 31, 2025, muling ipinagdiinan ni Yexel na walang kaso, walang hold departure, walang warrant of arrest, at hindi sila wanted ng kaniyang partner na si Mikee Agustin matapos silang masangkot sa umano'y ₱200M investment scam noong 2023.

Mababasa sa kaniyang post, "To Family and Friends isama nadin natin un mga nakiki chismis at usyoso lang

Mula umalis kami ng Pilipinas, Oct 9 2023 hanggang sa kasalukyan January 31 2025."

"'Wala po kaming Kaso'"

"'Wala po kaming Hold Departure'"

"'Wala pong kaming Warrant of arrest' at hindi po kami wanted.'"

"'UP TO NOW'"

"'Opo hanggang sa kasalukuyan'" giit niya.

Paliwanag pa ni Yexel, pinalaki lamang daw ito ng isang di-pinangalanang "mapanghusga at papoging broadcast journalist," media personalities, influencers, vloggers, at iba pang mainstream media.

Nabanggit pa ni Yexel ang iba pang mga celebrity na nakasuhan matapos masangkot sa isyu ng umano'y investment scam gaya nina Neri Naig, Rufa Mae Quinto, at Ken Chan.

Nilinaw rin ni Yexel na matagal niyang binuo ang pangalan niya hindi para manloko ng tao.

Sa huli, tila positibo ang pananaw ni Yexel na matatapos din ang lahat ng mga pinagdaraanan nila ng kaniyang partner na si Mikee.

Matatandaang nabuking ang tungkol sa umano'y investment scam nang lumapit sa programa ni Sen. Raffy Tulfo ang ilang investors na inirereklamo si Yexel.

MAKI-BALITA: Yexel ipinagtanggol sarili, misis kaugnay ng ₱200-M investment scam

MAKI-BALITA: Yexel Sebastian wala pang statement sa mga akusasyon laban sa kanila ng misis

Agad namang nagpaliwanag si Yexel at itinanggi ang mga alegasyon laban sa kaniya.

MAKI-BALITA: Yexel Sebastian, Mikee Agustin nakalabas ng bansa; netizens, nagwala

MAKI-BALITA: Yexel Sebastian dinepensahan paglabas ng bansa: 'Wala kami ni isang kaso!'

Sa kasalukuyan ay nasa ibang bansa sina Yexel at Mikee.

'The spirit of QUADCOMM lives on!!!' Rep. Luistro, flinex kasamang 'mentors'

Usap-usapan ang pagbabahagi ni re-elected Batangas 2nd district Rep. Gerville 'Jinky Bitrics' Luistro sa mga kasamahan niya sa quad-committee sa House of Representatives, Lunes, Mayo 26.Pinamumunuan ni Surigao del Norte 2nd district Rep. Robert Ace Barbers bilang overall chairman, binubuo ang quad-comm ng House Committee on Dangerous Drugs, Committee on Public Order and Safety, Committee...

Sadako sa kanal? Babae sa Makati, nambulabog matapos lumabas mula sa drainage

Ikinagulat ng mga motorista at residente sa bandang Rufino at Adelantado Street sa Legazpi Village, Makati City ang biglang paglabas ng isang babae mula sa isang kanal sa kalsada.Ayon sa ulat ng '24 Oras,' ibinahagi ng uploader ng mga larawan sa social media platform na 'Reddit' na nagulat daw ang mga nakakita sa biglang pagsulpot ng ulo ng isang babae sa nabanggit na...

Mayor Joy, Mayor Benjie, at Mayor Vico nagpulong para sa 'Good Governance'

Sa pambihirang pagkakataon ay nagsama-sama at nagsagawa ng pulong sina Quezon City Mayor Joy Belmonte, Baguio City Mayor Benjamin Magalong, at Pasig City Mayor Vico Sotto para pag-usapan ang 'Good Governance' ng mga nahalal na alkalde.Sina Belmonte, Magalong, at Sotto ay pare-parehong nakabalik sa kani-kanilang termino matapos tumakbo at manalo sa naganap na 2025 National and Local...