Sen. Bato, pabor na i-firing squad mga korap na gov't official-Balita

Sen. Bato, pabor na i-firing squad mga korap na gov't official

Sang-ayon si Senador Ronald “Bato” dela Rosa sa inihaing panukalang batas kamakailan na naglalayong i-firing squad ang mga mapapatunayang tiwaling opisyal ng pamahalaan.

Sa ginanap na “Tanong ng Bayan: The GMA Senatorial Face-Off 2025” nitong Sabado ng gabi, Pebrero 2, tinanong ang senatorial candidates ng “yes” or “no” kung pabor sila sa panukalang batas ni Zamboanga 1st district Rep. Khymer Adas Olaso na House Bill No. 11211 o Death Penalty for Corruption Act na layong i-firing squad ang opisyal ng gobyernong mahahatulan ng kasong katiwalian.

“Yes” ang placard na itinaas ni Dela Rosa habang nakangiti, na nagpapakitang pabor siya sa naturang panukala.

Kasama ni Dela Rosa sa mga sumang-ayon ang kapwa-senatorial candidates niyang sina retired Marine Colonel Ariel Querubin at Atty. Ernesto Arellano.

Samantala, sumagot ng “no” sa naturang face-off ang senatorial candidates na sina Valenzuela City Rep. Eric Martinez, dating Bayan Rep. Teddy Casiño, Kilusang Magbubukid ng Pilipinas (KMP) chair Danilo Ramos, dating Commission on Audit (COA) commissioner Heidi Mendoza, Atty. Luke Espiritu, Ka Leody de Guzman, ACT Teachers Rep. France Castro, Atty. Vic Rodriguez, at ang singer at abogadong Jimmy Bondoc.

Matatandaang kamakailan lamang ay iginiit ni Olaso na inihain niya ang House Bill No. 11211 dahil bagama't marami raw batas para maiwasan at papanagutin ang mga tiwaling opisyal ng pamahalaan, hindi pa rin ito nawawala at nalulunasan.

MAKI-BALITA: 'Walang matitira, ubos sila!' Netizens napa-react na i-firing squad mga korap

MAKI-BALITA: Kilalanin ang mambabatas na nasa likod ng 'Death Penalty for Corruption Act'

Kaugnay nito, iginiit ni Manila 3rd district Rep. Joel Chua kamakailan na tutol siya sa panukalang batas dahil nakapaloob sa Konstitusyon na bawal magpasa ng mga batas na “inhuman at cruel punishment.”

MAKI-BALITA: ‘Inhuman, cruel!’ Rep. Chua, tutol sa panukalang ifa-firing squad mga korap na gov’t official

MAKI-BALITA: Chua kay Olaso hinggil sa Death Penalty for Corruption Act: ‘Gusto lang makakuha ng boto’

Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'

Iginiit ni Palace Press Undersecretary Claire Castro na huwag lamang daw ituon ng publiko sa mga Duterte ang naging pahayag ni Pangulong Ferdinand “Bongbong” Marcos Jr. tungkol sa pagiging bukas niyang makipag-ayos sa kaniyang mga kaaway.Sa kaniyang press briefing nitong Miyerkules, Mayo 21, 2025, nilinaw niyang hindi lamang daw limitado sa mga Duterte ang tinutukoy ng Pangulo.“Tandaan po...

Sen. Jinggoy, di sang-ayon sa impeachment trial ni VP Sara; pero kailangan umaksyon bilang senador

Bagama’t hindi sang-ayon sa impeachment trial ni Vice President Sara Duterte, kailangan pa rin daw gampanan ni Senador Jinggoy Estrada ang kaniyang tungkulin bilang miyembro ng Senado.Sa isang pahayag nitong Martes, Mayo 20, nagbigay-reaksyon si Estrada kaugnay sa pagiging bukas ni Pangulong Bongbong Marcos, Jr. na makipagkasundo sa mga Duterte. Matatandaang noong Lunes, Mayo 19, sinabi ni...

Kapilya ng INC sa Quezon, pinasabugan ng bomba; suspek, gumagamit umano ng iligal na droga

Nasunog ang ilang bahagi ng isang Kapilya ng Iglesia ni Cristo (INC) sa Mauban, Quezon matapos umanong hagisan ng bomba ng isang lalaki.Ayon sa mga ulat, binasag ng suspek ang bintana ng kapilya at saka ibinato ang improvised explosive device upang pasabugin ang ilang bahagi ng naturang Kapilya. Tinatayang nasa ₱50,000 ang kabuuang danyos sa Kapilya bunsod ng sunog na sumiklab ngunit agad ding...

Sen. Bato, pabor na i-firing squad mga korap na gov't official

Sen. Bato, pabor na i-firing squad mga korap na gov't official

Inirerekomendang balita

Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'

Sen. Jinggoy, di sang-ayon sa impeachment trial ni VP Sara; pero kailangan umaksyon bilang senador

Kapilya ng INC sa Quezon, pinasabugan ng bomba; suspek, gumagamit umano ng iligal na droga

Features

Opinyon