Tila literal na nilaro ng netizens ang Guess To Win segment ng sikat na game show na Family Feud Philippines sa GMA Network, na hino-host ni Dingdong Dantes.
Ang entry kasi ng Family Feud noong Miyerkules, Enero 29, 2025 ay tila pamilyar sa taumbayan matapos nitong ilagay sa kanilang segment ang “kadiliman” at “kasamaan.”
"Anong salita ang antonym o kabaligtaran ng kasamaan?" A. Kabutihan B. Kadiliman?" saad ng Family Feud sa nasabing segment. Bunsod nito, ilang netizens tuloy ang tila hindi naiwasang ungkatin ang UniTeam tandem.
“Bbm vs. Inday Sara = Unity”
Kumakalat na last will and testament ng ina, pinalagan ng anak ni Gloria Romero
“Ewan ko lang pero baka may group dito na ma-trigger.”
“The design is very BBM SARA UNITY.”
“Harry Roque tignan mo mga kagagawan mo! hahahaha”
“Kadiliman Laban Sa Kasamaan... Super Easy”
“Kadiliman+Kasamaan=Unity”
Matatandaang naging usap-usapan noong 2024 ang naging pahayag ng dating Presidential spokeperon at kumandidatong senador na si Atty. Harry Roque tungkol sa "kadiliman versus kasamaan" matapos madetine ng 24 oras sa House of Representatives dahil umano sa "pagsisinungaling."
“Hindi na po ito laban ng Duterte-Marcos. Ang laban po ngayon ay puwersa ng kadiliman laban sa puwersa ng...[kasamaan, sigaw ng mga tao] Kabutihan!" ani Roque sa kaniyang viral video.
BASAHIN: Parinig kay Harry Roque? Vice Ganda nagbiro tungkol sa 'kadiliman vs. kasamaan'
