Tinatayang 13.2 milyon o 50% ng mga pamilyang Pilipino ang itinuturing ang kanilang mga sarili bilang “mahirap” sa ikaapat na quarter ng 2024, kung saan mas mataas ito kumpara sa 43% na datos noong 3rd quarter ng naturang taon, ayon sa OCTA Research.
Base sa Tugon ng Masa survey ng OCTA na inilabas noong Biyernes, Enero 24, mas mataas ang naturang self-rated poverty noong 4th quarter ng 2024 kumpara sa 11.3 milyong pamilya 43% na naitala noong 3rd quarter ng taon.
Ayon daw sa mga pamilyang itinuturing ang kanilang sariling mahirap, ₱25,000 kada buwan ang ‘median amount’ na kailangan nila para sa home expenses upang makonsidera nila ang kanilang mga sariling hindi mahirap.
“Families reported requiring a median of ₱8,000 more each month to escape poverty,” dagdag ng survey.
Samantala, nasa 6% lamang daw ng mga pamilyang Pilipino ang nagsabing hindi sila mahirap noong ikaapat na quarter ng 2024.
PNP, susunod sa kautusan ng DOJ na ipatupad arrest warrant ng ICC vs Sen. Bato
Inihayag naman ng natitirang 44% ng mga respondent na hindi nila masasabi kung mahirap o hindi ang kanilang pamilya.
Isinagawa raw ang nasabing survey mula Nobyembre 10 hanggang 16, 2024 sa pamamagitan ng face-to-face interviews sa 1,200 respondents na ang edad ay 18 pataas.
