BALITAnaw: Ang pagbubuwis ng buhay ng SAF 44, isang dekada ang nakalipas-Balita

BALITAnaw: Ang pagbubuwis ng buhay ng SAF 44, isang dekada ang nakalipas

Isang dekada na ang nakalipas mula ngayong Sabado, Enero 25, nang masawi ang 44 miyembro ng Special Action Force (SAF) sa madugong engkwentro sa Mamasapano, Maguindanao.

Noong Enero 25, 2015 nang isagawa ng mga miyembro ng SAF ang “Oplan Exodus” na naglalayong tugisin ang secret hideout ni Zulkifli bin Hir, o mas kilala bilang Marwan, at Basit Usman sa Barangay Tukanalipao, Mamasapano, Maguindanao.

Si Marwan ay isang Malaysian terrorist at bomb maker na naiulat na nag-organisa ng Bali Bombing noong 2002, Australian Embassy Bombing sa Jakarta noong 2004, at JW Marriot at Ritz Carlton Bombings sa Jakarta noong 2009.

Sa gitna ng engkuwentro, nilabanan umano ng SAF commandos ang libo-libong mga rebeldeng Muslim.

Samantala, na-corner sila at natalo pagdating sa dami bilang ng mga rebeldeng kanilang nakalaban mula sa mga pwersa ng Moro Islamic Liberation Front (MILF), Bangsamoro Islamic Freedom Fighters at iba pang armadong grupo sa lugar. Ngunit sa kabila nito’y hanggang sa huli ay buong tapang pa rin daw na lumaban ang elite soldiers upang iligtas ang mga na-trap nilang kasama, at doon na sila na-massacre sa Tukanalipao sa Mamasapano, Maguindanao.

Nakaligtas naman sa operasyon ang 13 nilang kasamahan sa SAF, at napatay rin kalaunan si Marwan at iba pang mga teroristang lumaban sa engkuwentro. Napatay naman ng mga awtoridad si Usman noong Mayo ng taon ding iyon.

Kahit sampung taon na ang nakalilipas, hanggang ngayon ay kinikilala ng bansa ang kabayanihang ginawa ng 44 sundalong nagbuwis ng buhay para sa seguridad ng bansa.

Noong nakaraang taon lamang ay inilabas din ang isang dokumentaryong pinamagatang: "Fallen not Forgotten: The Untold Story of the Gallant SAF 44” upang hindi raw mabaon sa limot ang kanilang kuwento ng kabayanihan. Bukod dito, taong 2022 nang ilabas ang pelikulang “Mamasapano: Now It Can Be Told” na naging bahagi ng 48th Metro Manila Film Festival (MMFF).

Samantala, sa gitna ng pagsaludo at mabubuting salitang ginagamit bilang paglalarawan sa SAF 44, isa ang hanggang ngayon din ay sigaw ng kanilang naiwang mga pamilya: hustisya.

Workers sa isang resort sa Cavite, namaril at nanaga ng mga katrabaho; 1 patay, 1 sugatan

Isa ang patay habang isa naman ang naiulat na sugatan sa alitan ng ilang empleyado ng isang resort sa Silang, Cavite.Ayon sa ulat ng isang lokal na pahayagan, nangyari ang krimen noong Sabado, Enero 26, 2025, bandang 9:15 ng gabi kung saan nag-iinom umano ang tatlong suspek na sina alyas “Jabbar,” “Carlo” at “R ico” na gumamit pa raw ng swimming pool sa naturang resort. Dalawang...

Dahil sa Isra Wal Mi’raj: Enero 27, Muslim holiday — Malacañang

Inanunsyo ng Malacañang na magiging holiday para sa mga Muslim ang Lunes, Enero 27, 2025 bilang paggunita sa Isra Wal Mi’raj.Ayon kay Executive Secretary Lucas Bersamin nitong Linggo, Enero 26, hindi national holiday ang Enero 27, ngunit holiday raw ito sa Muslim areas tulad ng Bangsamoro Autonomous Region in Muslim Mindanao (BARMM).“Not a National Holiday, but a Muslim holiday only in BARMM...

Huli man daw at magaling, naihahabol din! 77-anyos, sumabak sa libreng tuli

Ang pagpapatuli ay isang pamilyar na medical process para sa kalalakihan kung saan tinatanggal ang balat na bumabalot sa ulo ng ari ng lalaki, na tinatawag na prepuce o balat ng ari.Ito ay isinasagawa sa pamamagitan ng isang minor surgery upang linisin at tanggalin ang prepuce. Karaniwang ginagawa ito sa pamamagitan ng isang doktor o surgically trained na dalubhasa, at ito ay may iba't ibang...