Malacañang, kinondena pagpapakalat ng fake news tungkol sa 2025 national budget-Balita

Malacañang, kinondena pagpapakalat ng fake news tungkol sa 2025 national budget

Kinondena ng Malacañang ang pagpapakalat ng umano'y fake news ng kampo ng isang "former president" tungkol sa 2025 national budget na pinirmahan ni Pangulong Bongbong Marcos, Jr.

Bagama't hindi pinangalanan, si dating Pangulong Rodrigo Duterte lamang ang kamakailang nagbigay-reaksyon kaugnay sa national budget. Aniya, may mali raw dito.

“For sure sa exact standard ng ating batas, lalo na money appropriations must appear true and correct value what would be application for public money. Pagka gano’n there’s something terribly wrong,” saad ni Duterte noong Sabado, Enero 18.

“As a matter of fact, kung may mga blangko ‘yan lumusot, that is not a valid legislation. Kung sa batas na ‘yan, lumabas na ‘yan ng blangko-blangko, either it could be filled up before or after,” aniya pa.

BASAHIN: FPRRD sa 2025 national budget: 'There's something terribly wrong!'

Sa isang pahayag nitong Lunes, Enero 20, kinondena ng Malacañang, sa pamamagitan ni Executive Secretary Lucas Bersamin, ang umano'y fake news tungkol sa national budget, na kung saan sinasabing may "blangko" sa ilang parte nito.

"Some quarters, including a former president, have maliciously peddled fake news about President Marcos having signed the GAA of 2025 with certain parts of the enactment purposely left blank to enable the administration to simple fill in the amounts like in a blank check," pahayag ni Bersamin.

"The peddling of such fake news is outrightly malicious and should be condemned as criminal. No page of the 2025 National Budget was left unturned before the president signed it into law," dagdag pa niya.

Nilinaw ni Bersamin na ang 4,057 pages ng two-volume budget ay ni-review ng mga propesyunal mula sa Kongreso at Department of Budget and Management (DBM), kung kaya't imposible raw na may "blanko" sa ilang mga funding items.

“Anyone who conducts the same rigorous examination of the 2025 National Budget — which the public can view on the DBM website — will come to the same conclusion: that there are no programs, activities, or projects with blank appropriations in that carefully vetted law,” dagdag pa niya.

“The former president and his cohorts should know better that the GAA should not contain blank items.”

Matatandaang pinirmahan ni Marcos noong Disyembre 30, 2024 ang ₱6.352-trillion 2025 national budget.

MAKI-BALITA: PBBM, nilagdaan na ₱6.352-trillion national budget sa 2025

PBBM, ibi-veto ang Adolescent Pregnancy Bill: ‘This is ridiculous’

Binigyang-diin ni Pangulong Ferdinand “Bongbong” Marcos Jr. na ibi-veto niya ang Senate Bill 1979 o “Prevention of Adolescent Pregnancy Act” kung maipasa raw ito sa kasalukuyan nitong mga nilalaman.Sa isang ambush interview nitong Lunes, Enero 20, sinabi ni Marcos na nabasa na raw niya nang detalyado noong weekend ang Senate Bill 1979, at hindi raw siya sang-ayon sa ilan umanong bahagi ng...

4.7-magnitude na lindol, yumanig sa Davao Occidental

Niyanig ng magnitude 4.7 na lindol ang probinsya ng Davao Occidental dakong 11:47 ng umaga nitong Lunes, Enero 20, ayon sa Philippine Institute of Volcanology and Seismology (Phivolcs).Sa tala ng Phivolcs, tectonic ang pinagmulan ng lindol.Namataan ang epicenter nito 59 kilometro ang layo sa timog-silangan ng Don Marcelino, Davao Occidental, na may lalim na 10 kilometro.Wala namang inaasahan ang...

PBBM, pinag-aaralan na pag-adjust sa working hours ng gov’t employees

Inihayag ni Pangulong Ferdinand “Bongbong” Marcos Jr. na pinag-aaralan na nila ang rekomendasyong i-adjust ang working hours ng mga manggagawa sa national government agencies sa Metro Manila mula 8:00 ng umaga hanggang 5:00 ng hapon patungong 7:00 ng umaga hanggang 4:00 ng hapon.Sa isang ambush interview nitong Lunes, Enero 20, sinabi ni Marcos na kokonsultahin pa nila ang mga komyuter kung...