Ibinasura ng Pasig Regional Trial Court (RTC) Branch 159 ang inihaing mosyon ng kampo ni Kingdom of Jesus Christ (KOJC) founder Apollo Quiboloy na payagan siyang dumalo sa isang live TV interview para sa paghahain niya ng kandidatura sa pagkasenador sa 2025 midterm elections.

Sa tatlong pahinang order na Pasig RTC na inilabas nitong Martes, Enero 14, hindi pinayagan si Quiboloy na makasali sa TV interview na nakatakda sana dakong 2:00 ng hapon nitong Martes dahil maaari umano niyang isapubliko ang merits ng kaniyang kaso na posibleng makaapekto sa pagtingin ng tao kung paano ito hinahawakan ng korte.

“The accused Quiboloy should not participate in the live interview as accused Quiboloy may discuss the merits of his case, potentially affecting public perception of how the court is handling the matter,” nakasaad sa order ng Pasig RTC.

“The Court takes note of the legal consequences and risks associated with any public statements that accused Quiboloy may pronounce during the interview. Any discussion of the merits of his pending criminal case or commentary that could influence public perception of the judiciary or the ongoing proceedings may undermine the impartiality and integrity of the judicial process. Considering that this Court will not be able to oversee or monitor the live broadcast, there is a risk that any such statements will prejudice the ongoing criminal case.”

National

Chief of staff ni VP Sara, balik-OVP na

“As a note, while this Court recognizes the right of accused Quiboloy to seek public office and to engage in lawful campaign activities, this right is not absolute and remains subject to regulation by the Court. Quiboloy is not restricted to the live media interview as his sole means of campaigning and sharing his platform with the public,” dagdag pa.

Matatandaang noong Oktubre 8 nang maghain si Quiboloy, sa pamamagitan ng kaniyang abogado, ng certificate of candidacy (COC) para sa pagkasenador sa 2025.

MAKI-BALITA: Apollo Quiboloy, naghain ng COC sa pagkasenador: ‘Dahil sa Diyos at Pilipinas’

Mahigit isang linggo pagkatapos nito, naghain si labor leader at senatorial aspirant Sonny Matula ng petisyon para kanselahin ang kandidatura ng pastor sa pagkasenador dahil umano sa “material misrepresentation.”

MAKI-BALITA: Sonny Matula, pinakakansela kandidatura ni Apollo Quiboloy

Ibinasura naman ng Commission on Elections (Comelec) ang naturang petisyon dahil kulang umano ang ebidensyang ipinakita ni Matula upang makumbinsi silang gawing nuisance candidate si Quiboloy.

MAKI-BALITA: Petisyong i-disqualify si Quiboloy bilang senatorial candidate, ibinasura ng Comelec

Kasalukuyang nahaharap si Quiboloy sa mga kasong qualified human trafficking at child abuse sa Pilipinas.

Kinasuhan din ang pastor United States (US) ng sex trafficking by force, fraud, at coercion; conspiracy; at bulk cash smuggling.