Nagbigay ng payo si Ultimate Heartthrob Piolo Pascual sa mga bagong artista at aspiring young star na gustong pumasok sa showbiz industry.
Sa latest episode ng “Toni Talks” noong Linggo, Enero 5, sinabi ni Piolo na huwag daw dapat lumaki ang ulo ng mga bata at bagong artista.
“Huwag dapat lumaki ang ulo,” saad ni Piolo. “Ang hirap kasi ng Gen Z ngayon, e. Nakakalunod ‘yong social media. So I would suggest or encourage them to stay away from it as much as possible.
“Kasi that shouldn’t define you. Because ‘yong core mo dapat ‘yong nanggagaling sa bahay, ‘yong faith mo. Hindi ‘yong sinasabi ng tao, hindi ‘yong kung gaano karami ang followers mo,” dugtong pa niya.
Masasabing isa si Piolo sa mga artistang nakatagal sa industriya sa mahabang panahon. Matatandaang lampas dalawang dekada na niyang ipinapamalas ang talento sa pag-arte.
Andrea Del Rosario, nagbiro sa mga may pic kasama si Bato: 'Lahat kayo for questioning daw!'
Nagsimula ang showbiz career ni Piolo nang una siyang mapabilang sa youth-oriented show na “That’s Entertainment.”
MAKI-BALITA: Piolo Pascual, itinuturing na 'daddy' si Mr. M
