54% ng mga Pinoy, labis na nagtitiwala kay PBBM; 52% naman kay VP Sara — SWS

By Mary Joy Salcedo

December 30, 2024

In BALITA National

Tinatayang 54% ng mga Pilipino ang labis na nagtitiwala kay Pangulong Ferdinand “Bongbong” Marcos Jr. habang 52% naman ang labis na nagtitiwala kay Vice President Sara Duterte, ayon sa inilabas na survey ng Social Weather Stations (SWS) nitong Lunes, Disyembre 30.

Base sa 2024 fourth quarter survey ng SWS, 98% ng mga Pinoy ang aware o nakakakilala kay Marcos, 54% ang lubos na nagtitiwala sa kaniya (% very much trust plus % somewhat much trust), habang 19% ang undecided.

Nasa 25% naman daw ng mga Pinoy ang nagsabing kaunti lamang ang tiwala nila sa pangulo (% very much trust plus % somewhat much trust).

“This gives a net trust rating of moderate +29 (% much trust minus % little trust), down by 4 points from good +33 in September 2024,” anang SWS.

Pagdating naman sa bise presidente, inihayag ng SWS na 98% din ng mga Pilipino ang aware o nakakilala kay Duterte, habang 52% ang nagsabing lubos silang nagtitiwala sa kaniya (% very much trust plus % somewhat much trust), at 17% ang undecided.

Tinatayang 29% naman ng mga Pinoy ang nagsabing maliit lamang ang kanilang tiwala sa bise presidente.

“This gives a net trust rating of moderate +23, down by 6 points from moderate +29 in September 2024,” saad ng SWS.

Isinagawa raw ang survey, na inisponsoran ng Stratbase Consultancy, mula Disyembre 12 hanggang 18, 2024 sa pamamagitan ng face-to-face interviews sa 2,160 Pinoy na nasa 18 pataas ang edad.

Nasa 18M graduates ng high school noong 2024, hindi 'functional literate'

Nabahala si Sen. Win Gatchalian sa bilang ng mga junior high school at senior high school graduates na hindi 'functional literate' o hindi makapagbasa, makapagsulat, makapagkuwenta, o makaunawa noong 2024.Sa isinagawang 'Public Hearing of the Committee on Basic Education' na pinangunahan ng committee head na si Sen. Gatchalian, Miyerkules, Abril 30, tinalakay sa nabanggit na...

Sam Verzosa, pinutulan ng kable ng kuryente sa campaign sortie sa Tondo

Napag-usapan nina Ogie Diaz at iba pang co-hosts sa 'Ogie Diaz Showbiz Update' ang nangyari raw sa isa sa mga campaign sortie ng Manila mayoral candidate na si Sam 'SV' Verzosa kamakailan.Ayon kay Ogie, nakakaloka raw dahil nawalan daw ng kuryente sa campaign rally ng kandidato sa Moriones, Tondo habang nagsasalita ito.Sa speech ni SV, sinasabi niyang panandalian lamang daw ang...

Pilipinas, balak harangin asylum application ni Roque

Inihayag ng Department of Justice (DOJ) na nakatakda umanong harangin ng gobyerno ng Pilipinas ang asylum application ni dating Presidential spokesperson Harry Roque sa Netherlands.Sa panayam ng TeleRadyo Serbisyo kay DOJ Undersecretary Nicholas Felix Ty, iginiit niyang may plano umano silang magsumite ng dokumento sa pamahalaan ng Netherlands na tututol sa naturang aplikasyon ni...