Ikinasa ni Overseas Filipino Worker (OFW) Partylist Representative Marissa "Del Mar" Magsino ang isang resolusyon na naglalayong mabigyan ni Pangulong Ferdinand “Bongbong” Marcos, Jr. ng Presidential Pardon si Mary Jane Veloso.
Saad ng naturang House Resolution No. 2139 ang mga pinagdaanan umano ni Veloso bago ito tuluyang payagan ng Indonesian government na mailipat ng kulungan pabalik ng bansa at makaligtas sa death row.
KAUGNAY NA BALITA: Nasentensyahang si Mary Jane Veloso, babalik na sa Pilipinas—PBBM
“Expressing the collective sense of the house of representatives urging President Ferdinand Marcos, Jr., to grant presidential pardon to Mary Jane Veloso, an overseas Filipino worker, upon her transfer and return to the Philippines relative to her conviction on drug trafficking meted by the Indonesian Government,” anang naturang resolusyon.
Ilang mambabatas, dinepensahan budget cut sa 2025 national budget
Iginiit din ni Magsino, ang pagiging inosente ni Veloso na pagiging biktima raw nito sa kaniyang mga illegal recruiters sa Malaysia.
“WHEREAS throughout her trial, she maintained her innocence, claiming that she was duped into carrying the suitcase by Maria Kristina Sergio, her godsister and recruiter, who convinced her to go to Indonesia after losing a job in Malaysia,” ani Magsino sa resolusyon.
Si Veloso ang OFW na napatawan ng parusang kamatayan sa Indonesia nanag mahulihan siya ng iligal na droga sa nasabing bansa noong 2010, matapos umano siyang maloko ng kaniyang mga recruiter.
KAUGNAY NA BALITA: BALITAnaw: Ang timeline ng 14 taong death row sentence ni Mary Jane Veloso
Samantala, isinasaad din ng resolusyong inihain ni Magsino, na ang kababaihan daw ang siyang kalimitang nabibiktima ng pang-aabuso patungong ibang bansa at nauuwi sa human trafficking.
“Mary Jane Veloso's case serves as a poignant reminder of the vulnerabilities faced by many OFWs, particularly women. who often fall victim to exploitation and human trafficking, and while her actions led to her being held accountable under Indonesian law, her imprisonment in Indonesia for almost fourteen (14) years, that caused her to lose precious time otherwise spent with her family and loved one, has been a sufficient price she has paid for her mistake,” saad ng House Resolution No. 2139.
Kaya naman tahasang iginiit ni Magsino na marapat lang daw na bigyan ng Pangulo si Veloso ng presidential pardon, upang tuluyan na raw itong mapawalang sala sa kasong kinasangkutan niya dulot ng illegal recruitment.
“NOW THEREFORE, BE IT RESOLVED, to express the collective sense of the House of Representatives urging President Ferdinand Marcos, Jr., to grant presidential pardon to Mary Jane Veloso, an overseas Filipino worker, relative to her conviction on drug trafficking meted by the Indonesian government,” saad ni Magsino.
Wala pang inilalabas na pahayag ang Pangulo hinggil sa pagpapataw niya ng Presidential Pardon kay Veloso na nakatakda na raw makabalik ng bansa sa darating na Miyerkules, Disyembre 18, 2024.
KAUGNAY NA BALITA: Mary Jane Veloso, makakabalik na sa PH sa Disyembre 18 – Indonesian official
