Mapapanood na sa giant streaming platform Netflix sa Pilipinas ang movie adaptation ng bestselling romance novel na “It Ends With Us” bago matapos ang Disyembre 2024.
Base sa ulat ng GMA News, unang eere sa Netflix sa Pilipinas ang “It Ends With Us” sa Disyembre 27, 2024.
Available naman na sa kasalukuyan ang pelikula, na pinagbibidahan nina American actress Blake Lively at American actor Justin Baldoni, sa Netflix sa United States at iba pang mga bansa.
Sa isang Facebook post, nagpasalamat si American author Colleen Hoover sa lahat ng mga tumangkilik sa movie adaptation ng kaniyang nobela.
Jun Lana, Vice Ganda sanib-pwersa ulit sa bagong pelikula?
“Thank you guys for embracing this movie and this cast by making the release week an unbelievable success. I’m so happy for everyone who worked hard on this film, and now for everyone who didn’t get to see it in theaters, it’s showing on Netflix in several countries today!” saad ni Hoover.
Matatandaang taong 2016 nang mailathala ang bestselling romance novel na umikot sa pag-iibigan ng small-town girl na si Lily Bloom at neurosurgeon na si Ryle Kincaid.
Noong 2023 naman nang ianunsyo ni Hoover ang cast ng adaptation movie, at Agosto 2024 nang ipalabas ito sa Philippine cinemas.
KAUGNAY NA BALITA: Bestselling Novel ‘It Ends With Us’, gagawan ng pelikula; Blake Lively, Justin Baldoni, bibida
