Harry Roque, itinanggi ang pagtakas: 'No hold departure order issued against me'-Balita

Harry Roque, itinanggi ang pagtakas: 'No hold departure order issued against me'

By Kate Garcia

December 06, 2024

In BALITA

Inalmahan ni dating Presidential spokesperson at ngayo’y nagtatagong si Atty. Harry Roque ang naging pahayag ni Sen. Risa Hontiveros hinggil sa naging pagtakas daw umano niya palabas ng bansa sa pamamagitan daw ng ilang Philippine Offshore Gaming Operators (POGO) workers.

“I did not escape. I am free to travel as there is a no hold departure order issued against me,” ani Roque.

Muli ring iginiit ni Roque na wala raw siyang koneksyon sa mga POGO owners at financiers ng mga ito.

“Second, I have no personal and professional ties with any POGO actors – whether they are owners, financiers, or operators of offshore gaming,” saad ni Roque.

Matatandaang lumabas sa imbestigasyon ng Senado sa pangunguna ni Hontiveros na may kaugnayan umano si Roque sa pagpapatakbo ng isa sa mga pinakamalaking POGO hub sa bansa na POGO Lucky South 99 sa Porac, Pampanga.

Matapos ang hindi niya pagsipot sa pagdinig ng Kamara hinggil sa nasabing kinasangkutan niyang POGO operations, naghain ang House Sergeant-at-Arms ng arrest warrant laban kay Roque noong Setyembre 2024.

Samantala, matapos ang ilang buwang pagtatago, ayon kay Prosecutor General Richard Anthony Fadullon, kumpirmadong nagmula raw sa Abu Dhabi ang counter affidavit na isinumite ni Roque sa Department of Justice. Ito ang unang pagkakataong nakumpirma ng mga awtoridad na nakalabas na ng bansa ang dating Presidential spokesperson.

Tinawag din ni Roque na irresponsible raw at malisyoso ang umano’y alegasyon ni Hontiveros sa pakikipagsabwatan daw niya sa mga POGO upang makalabas ng Pilipinas.

“I find the allegations of Senator Risa Hontiveros irresponsible and malicious. True to her style, it is crass politicking. There is no truth that I escaped from the Philippines with the help of POGO actors,” aniya.

Hinamon niya rin ang senadora na lumabas daw ito sa loob ng senado at patunayan ang kaniyang mga pahayag.

“I challenge the lady Senator to deliver a speech outside the halls of the Senate and not hide behind her parliamentary immunity while making those allegations bereft of merit,” giit ni Roque.

Wala pa muling inilalabas na pahayag si Hontiveros tungkol sa naging tugon ni Roque.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...