AFP, inanunsyo pagbabago sa kanilang social media accounts vs mga 'trolls'-Balita

AFP, inanunsyo pagbabago sa kanilang social media accounts vs mga 'trolls'

By Kate Garcia

November 28, 2024

In BALITA

Inihayag ng Armed Forces of the Philippines (AFP) ang magiging pagbabago raw sa kanilang opisyal na Facebook page, bilang tugon sa pang-aatake raw ng mga “trolls.”

Sa kanilang Facebook page, inilabas ng AFP ang kanilang pahiyag nitong Miyerkules, Nobyembre 27, 2024, at sinabing pansamantala raw nilang tatanggalin ang ilang features sa kanilang page dahil umano sa kahina-hinalang mga aktibidad ng trolls dito.

“We are temporarily disabling features on our official Facebook page to deny trolls a platform for their suspicious activities,” anang AFP.

Dagdag pa nila, maituturing daw kasi na banta ang mga troll farms sa lipunan kung kaya’t hindi raw nila hahayaang magkalat pa ito ng mga mali at malisyosong impormasyon.

“Troll farms are a menace to society and we choose not to empower inauthentic actors in their coordinated attempt to spread disinformation and misinformation,” saad ng AFP.

Bagama’t magkakaroon ng ilang pagbabago sa nasabing page ng AFP, nilinaw naman nito na patuloy pa rin daw silang maglalabas ng mga anunsyo at pahayag sa kanilang legitimate platforms at media.

“Statements, releases, and information on our activities will continue to be posted on our official channels and legitimate media organizations,” dagdag ng AFP.

Nanawagan din ito sa publiko na tanging sa legitimate sources lamang daw tumanggap ng mga impormasyon upang maiwasan pa ang impluwensya ng trolls.

“We call on everyone to report malicious activities online and receive information from reputable sources only.”

Kasalukuyang naka-turn off ang comment sections ng AFP Facebook page at hindi rin ito maaaring tumanggap ng mga mensahe.

Matatandaang nauna nang pabulaanan ni AFP Chief General Romeo Browler Jr. ang mga umuugong umanong balita na siya ang hahawak ng security personnel ni Vice President Sara Duterte matapos nitong maglabas ng pagbabanta laban sa buhay nina Pangulong Ferdinand “Bongbong” Marcos, First Lady Liza Marcos at House Speaker Martin Romualdez kapag may nangyaring masama raw sa Bise Presidente.

KAUGNAY NA BALITA: Pahayag ni VP Sara, ‘active threat’ sa buhay ni PBBM — Malacañang

Ilang Duterte supporters, hindi pa rin humuhupa sa bahagi ng EDSA Shrine

Nananatili pa rin sa EDSA Shrine ang ilang mga tagasuporta ng pamilya Duterte upang ipakita raw ang kanilang pag-alma sa umano’y trato ng pamahalaan kay Vice President Sara Duterte.Matatandaang Martes, Nobyembre 26, 2024 nang magsimulang dumagsa sa EDSA Shrine ang Duterte supporters.Ayon sa ulat ng ABS-CBN News, tinatayang nasa 200 na tagasuporta ng pamilya Duterte ang nagpalipas ng gabi sa EDSA...

Mga anak ni Mary Jane Veloso, binigyan ng full scholarship

Pinagkalooban ng scholarship ang mga anak ni Mary Jane Veloso mula sa Technical Education and Skills Development Authority (TESDA) sa Nueva Ecija.Isang full scholarship program ang handog ng TESDA sa dalawang anak ni Mary Jane na sina Mark Darren, 16 at Mark Daniel, 22. Si Mary Jane ang Pinay Overseas Filipino Worker (OFW) na nasentensyahan ng bitay sa Indonesia noong 2010 matapos siyang...

VP Sara may sagot sa umano'y impeachment niya: 'If I get impeached, that's it!'

Tahasang sinagot ni Vice President Sara Duterte ang umano’y umuugong na pagpapatalsik sa kaniya sa pamamagitan ng impeachment trial.Sa press conference nitong Miyerkules, Nobyembre 27, 2024 sinabi ng Bise Presidente na mekanismo lang daw ng pamahalaan ang impeachment sa kaniya upang makapasayang lang daw ito ng pera. “They can always try mag-impeachment. They can always try gumastos at...