VP Sara sa paglabag daw niya sa Anti-Terror Law: 'It's clearly oppression and harassment'-Balita

VP Sara sa paglabag daw niya sa Anti-Terror Law: 'It's clearly oppression and harassment'

By Kate Garcia

November 27, 2024

In BALITA

Nagsalita na si Vice President Sara Duterte hinggil sa isa sa mga posible raw na kasong maaaring maisampa sa kaniya, kasunod ng umano’y pagbabanta niya sa buhay nina Pangulong Ferdinand “Bongbong” Marcos, First Lady Liza Marcos at House Speaker Martin Romualdez.

KAUGNAY NA BALITA: Pahayag ni VP Sara, ‘active threat’ sa buhay ni PBBM — Malacañang

Sa isang press conference nitong Miyerkules, Nobyembre 27, iginiit ng Pangalawang Pangulo na malinaw daw na porma ng pang-aapi at panghaharas ang ginagawa sa kaniya ng pamahalaan.

"Ano bang gusto nilang gawin? kaya sila nagfa-file o nagcha-charge ng Anti-Terrorism Law? Gusto nila magcancel ng passport. Gusto nila magred notice sa International, so hindi ka makakagalaw overseas. Gusto nila mag AMLAC, Anti Money Laundering violations,” anang Pangalawang Pangulo.

Iginiit din ni VP Sara na gusto rin daw kasi siyang ipitin ng pamahalaan upang hindi niya mapakinabangan ang kaniyang mga ari-arian sa pamamagitan pa rin ng Anti-Terror Law.

“So ibig sabihin non, ifi-freeze nila yung pera mo at yung properties mo. Hindi ka makakagastos ng pera at hindi ka makakapasok sa properties mo,” ani VP Sara.

KAUGNAY NA BALITA: VP Sara, posible raw makasuhan ng paglabag sa Anti-Terror Law

Diretsahan muling binanggit ng Bise Presidente ang posible raw na mangyari sa kaniya kapag siya ay nahatulan ng paglabag sa naturang batas, na dagdag pa niya ay mismong layunin ng gobyerno upang gipitan daw siya.

“It's not without the President. Ang pag-file nila ng Anti-Terrorism Law, yung mga sinabi ko ngayon, yun yung gusto nilang gawin. Kaya't pinipilit nila na mayroong violation sa batas. Magcancel na passport, mag-red notice, mag-AMLAC, mag-issues ng kaliwa't kanan na search warrant,” anang Pangalawang Pangulo.

Tahasan din niyang sinabi na ito raw ay panghaharas sa kaniya mula sa umano’y “na-out of context” daw na pakahulugan hinggil sa banta niya sa buhay nina PBBM.

“So ibig sabihin, babalik pa rin tayo doon, this is clearly oppression and harassment. For remarks that, pinipilit nila to take it out of its logical context,” ani VP Sara.

Matatandaang nauna nang ihayag ng National Bureau of Investigation (NBI) na maaaring makasuhan si VP Sara alinsunod sa nakasaad sa subpoena na naibigay sa kaniya nitong Martes, Nobyembre 26.

KAUGNAY NA BALITA: VP Sara, nahainan na ng subpoena ng NBI

VP Sara may sagot sa umano'y impeachment niya: 'If I get impeached, that's it!'

Tahasang sinagot ni Vice President Sara Duterte ang umano’y umuugong na pagpapatalsik sa kaniya sa pamamagitan ng impeachment trial.Sa press conference nitong Miyerkules, Nobyembre 27, 2024 sinabi ng Bise Presidente na mekanismo lang daw ng pamahalaan ang impeachment sa kaniya upang makapasayang lang daw ito ng pera. “They can always try mag-impeachment. They can always try gumastos at...

De Lima sa paggamit ng Duterte sa People Power: 'Galit sa mga aktibista pero gusto magpa-rally'

Naglabas ng pahayag ang Mamamayang Liberal (ML) Partylist first nominee Atty. Leila De Lima kaugnay sa People Power sa mismong anibersaryo ng kaarawan ni dating Senador Benigno “Ninoy” Aquino, Jr.Si Ninoy ay isang senador ng 7th Congress at hayagang kritiko ng rehimen ni dating Pangulong Ferdinand Marcos, Sr. Isa siya sa mga unang inaresto matapos ang deklarasyon ng batas militar noong 1972 at...

Araw ni Bonifacio, 'di mababago ang petsa —Palasyo

Inanunsiyo ng Malacañang na mananatili sa Nobyembre 30, Sabado, ang paggunita para sa Araw ni Andres Bonifacio.Ibinababa ng Office of the Executive Secretary (OES) ang abisong ito ngayong Miyerkules, Nobyembre 27, tatlong araw bago ang ika-161 kaarawan ng Supremo ng Katipunan.Matatandaang noong 2023 ay inilipat ng palasyo ang petsa ng Araw ni Bonifacio sa Nobyembre 27 bilang bahagi ng “holiday...