VP Sara, posible raw makasuhan ng paglabag sa Anti-Terror Law-Balita

VP Sara, posible raw makasuhan ng paglabag sa Anti-Terror Law

By Kate Garcia

November 27, 2024

In BALITA

Hindi raw inaalis ng mga awtoridad ang posibilidad na paglabag ni Vice President Sara Duterte sa RA 11479 o Anti-Terrorism Law kaugnay ng umano’y banta ng Pangalawang Pangulo laban kina Pangulong Ferdinand “Bongbong” Marcos, First Lady Liza Marcos at House Speaker Martin Romualdez kung sakali raw na may mangyaring masama sa kaniya.

KAUGNAY NA BALITA: Pahayag ni VP Sara, ‘active threat’ sa buhay ni PBBM — Malacañang

Nitong Martes, Nobyembre 26, 2024, pormal nang naghain ng subpoena ang National Bureau of Investigation (NBI) sa tanggapan ng Office of the Vice President (OVP) upang imbitahan siyang magpaliwanag tungkol sa naturang death threat niya umano kina PBBM.

KAUGNAY NA BALITA:VP Sara, nahainan na ng subpoena ng NBI

Nakasaad sa nasabing subpoena ang ilan sa mga umano’y batas na pinag-aaralan ng NBI na nilabag umano ni VP Sara kaugnay sa mga maaanghang niyang pahayag laban pangulo at liderato ng Kamara.

“To shed light on the investigation for alleged (Grave Threats under Art. 282 of the Revised Penal Code in re;. Sec. 6 of RA 10175 and Possible Violation of RA 11479 (Anti-Terrorism Act of 2020),” saad ng naturang subpoena.

Matatandaang sa panayam sa media ni NBI Director Jaime Santiago nitong ding Martes, sinabi niyang sa mismong bibig daw ni VP Sara nanggaling ang lahat ng mga pagbabanta sa buhay nila PBBM kaya raw gusto nila itong magpaliwanag.

"Sabi nga ni Usec. Andres 'self confess mastermind.' Siya nagsalita eh, na siya papapatya niya si Presidente. Kailangan patayin si Presidente, si First Lady and the Speaker. Nanggaling sa kaniyang bibig 'yon, siya yung kumbaga'y mastermind. Siya yung nag-utos. So 'yan ang gusto naming i-clarify,” ani Santiago.

Ang Anti-Terror Law ay isa sa mga batas na mismong isinulong ng ama ni VP Sara na si dating Pangulong Rodrigo Duterte noong 2020, na nagsasaad na ang sinumang masasaklaw ng naturang batas ay puwedeng hulihin ng Law Enforcement Agent o military personnel ng walang warrant of arrest at idetine na hanggang 14 araw bago tuluyang iharap sa korte.

Samantala, hindi pa naglalabas ng pahayag ang Bise Presidente hinggil inihaing subpoena laban sa kaniya.

National Jukebox Day: Kilala pa ba ng musikang Pilipino ang 'Jukebox Queens' ng Pinas?

Ginugunita sa iba’t ibang panig ng mundo ang National Jukebox Day ngayong araw, Nobyembre 27, 2024. Isa sa mga naging mayabong na porma ng music streaming noon ay ang tinatawag na “Jukebox.” Isang music box na kinakilangang hulugan ng barya upang makapagpapatugtog ng iba’t ibang kanta. Bago pa man magkaroon ng Spotify at ITunes ang kasalukuyang henerasyon, nauna munang maging music...

Bam Aquino sa kaarawan ni Ninoy: 'Ipagpatuloy natin ang mga ipinaglaban niya!'

Nagbigay ng pahayag ang re-electionist sa pagkasenador na si Bam Aquino kaugnay sa kaarawan ng namayapa niyang tiyuhin na si Benigno “Ninoy” Aquino, Jr.Sa kaniyang X post nitong Miyerkules, Nobyembre 27, nanawagan si Bam na ipagpatuloy ng mga Pilipino ang labang nasimulan ni Ninoy.“Kung tunay na hustisya ang hinahanap natin para kay Tito Ninoy, ipagpatuloy natin ang mga ipinaglaban niya:...

Gadon, nanghinayang na sinuportahan ang mga Duterte

Naghayag ng panghihinayang ang disbarred lawyer at anti-poverty czar Larry Gadon sa ibinigay niyang suporta sa mga Duterte matapos niyang magsumite ng disbarment case laban kay Vice President Sara Duterte.Sa panayam ng mga mamamahayag nitong Miyerkules, Nobyembre 27, hindi raw inakala ni Gadon na gano’n ang katangian ng nasabing pamilya.“Hindi ko naman akalaing ganyan pala sila, e. ‘Yong...