PBBM, nasa Abu Dhabi na para sa bilateral meeting sa UAE President-Balita

PBBM, nasa Abu Dhabi na para sa bilateral meeting sa UAE President

Nakaharap na ni Pangulong Ferdinand "Bongbong" Marcos, Jr. si United Arab Emirates (UAE) President His Highness Sheikh Mohamed bin Zayed Al Nahyan ngayong araw ng Martes, Nobyembre 26 (umaga sa nabanggit na bansa) para sa kanilang bilateral meeting.

Sa ulat ng Presidential Communications Office (PCO), sinalubong mismo ni Al Nahyan si Marcos, Jr. sa tanggapan ng una sa Abu Dhabi, ang kabisera ng UAE.

Nagtungo si PBBM sa UAE para sa bilateral relations ng UAE at Pilipinas, lalo na't marami sa mga Overseas Filipino Workers (OFW) ay nasa nabanggit na bansa, partikular sa Dubai, isa sa mga ipinagmamalaking lungsod nila. Nais ding palakasin ng dalawang bansa ang ugnayang may kinalaman sa ekonomiya.

Ibinahagi ng UAE President sa kaniyang X post ang kaniyang kagalakan sa pagtanggap kay PBBM, kasama ang asawang si First Lady Liza Araneta Marcos.

"Today I welcomed President Ferdinand Marcos Jr. to Abu Dhabi to discuss opportunities to further deepen cooperation between the UAE and the Philippines across vital fields, including economy, trade, and sustainability," anang Al Nahyan.

"As our countries celebrate 50 years of friendship and collaboration, we remain committed to bolstering ties and bringing lasting benefit to our peoples."

Ang Pilipinas at UAE ay may matatag na diplomatic relations simula pa noong 1974.

Nagpasalamat naman ang Malacañang sa mainit na pagtanggap ng UAE government sa pangulo ng bansa.

Tumulak pa-UAE si PBBM kasama si FL Liza, Department of Environment and Natural Resources (DENR) Secretary Maroa Antonia Yulo-Loyzaga, National Commission for Culture and the Arts (NCCA) Chairman Victorino Manalo, Department of Foreign Affairs (DFA) Undersecretary Charles Jose, at dating Department of the Interior and Local Government (DILG) secretary at tumatakbong senador na si Benjamin Abalos.

Samantala, itinalagang caretaker ni PBBM ng bansa habang wala siya sina Executive Secretary Lucas Bersamin, Justice Secretary Jesus Crispin Remulla at Agrarian Reform Secretary Conrado Estrella III.

KAUGNAY NA BALITA: Sa pagpunta niya sa UAE; PBBM, pinagkatiwala bansa kina Remulla, Estrella, Bersamin

'Demure' itinanghal na Word of The Year ngayong 2024

'Demure' ang salitang tumatak sa taong 2024, ayon sa desisyon ng 'Dictionary.com,' dahil sa dami ng mga gumamit nito sa iba't ibang social media platforms.Naging sikat ang nabanggit na salita, lalo na sa 'Very Demure, Very Mindful' dahil sa social media personality na si Jools Lebron, na ginamit niya sa kaniyang TikTok videos.Nasa 54.5M views na nga ang...

Mga tagasuporta ni VP Sara, nagtipon-tipon sa EDSA Shrine

Kasalukuyang nasa EDSA Shrine sa Quezon City ang maraming mga tagasuporta ni Vice President Sara Duterte para ipakita ang kanilang pagsuporta sa kaniya, sa kabila ng mga nangyayaring gulo sa pagitan nila ni Pangulong Ferdinand 'Bongbong' Marcos, Jr.Nagsimula bandang hapon ng Martes, Nobyembre 26, bukod sa pagpapakita ng suporta kay VP Sara ay nagpatutsada rin sila kay PBBM.Ang ilan daw...

Sen. Risa, ibinalandra ang chart ng mga personalidad na umano'y sangkot sa POGO

Sa pagtatapos daw ng pagdinig ng senado sa 'krimeng dala' ng Philippine Offshore Gaming Operations (POGO) sa bansa, ipinakita ng chair ng Senate Committee on Women, Children, Family Relations and Gender Equality na si Sen. Risa Hontiveros ang isang chart na nagpapakita ng mga taong may kinalaman daw sa nabanggit na gaming operations sa bansa.'LOOK: Mga personalidad na naging sangkot...

PBBM, nasa Abu Dhabi na para sa bilateral meeting sa UAE President

PBBM, nasa Abu Dhabi na para sa bilateral meeting sa UAE President

Inirerekomendang balita

'Demure' itinanghal na Word of The Year ngayong 2024

Mga tagasuporta ni VP Sara, nagtipon-tipon sa EDSA Shrine

Sen. Risa, ibinalandra ang chart ng mga personalidad na umano'y sangkot sa POGO

Features

Opinyon