Sen. Bato, Sen. Go, pansamantalang papalit na bantay ni Lopez-Balita

Sen. Bato, Sen. Go, pansamantalang papalit na bantay ni Lopez

By Kate Garcia

November 24, 2024

In BALITA

Kinumpirma ni Vice President Sara Duterte na pinayagan na raw siya ng kaniyang chief-of-staff na si Zuleika Lopez na makauwi muna habang sina Sen. Bong Go at Sen. Ronald “Bato” Dela Rosa raw muna ang pansamantalang maiiwan niya.

Sa pagharap ni VP Sara sa media nitong Linggo, Nobyembre 24, 2024, inamin niyang matapos ang ilang ulit na pagpapaalam kay Lopez, ay naging palagay na raw siyang maiwanan muna ng Pangalawang Pangulo.

“I pleaded with her na pauwiin ako para makita yung mga anak ko. Initially ayaw niya, tas umiyak na naman siya. Pinabayaan ko muna siya sandali, then inulit ko ulit, ‘yon na naman ulit,” anang Pangalawang Pangulo.

Dagdag pa niya tila kumalma raw si Lopez nang sabihin niyang maiiwan sa tabi niya si Sen. Go at Sen. Dela Rosa.“In exchange for me, Sen. Bong Go will stay with her. So sabi ko, dalawa ang sasama sa kaniya. Dalawa pa rin ang sasama sa kaniya, si Senator Bato Dela Rosa and Senator Bong Go. Doon na siya parang medyo nag-isip and then pumayag na siya,” ani VP Sara.

Matatandaang Nobyembre 21, pa nang manatili si VP Sara House of Representatives upang damayan umano si Lopez na nakadetine rito matapos mapatawan ng contempt order noong Nobyembre 20.

KAUGNAY NA BALITA: VP Sara, dinamayan tauhan niyang nakadetine sa Kamara dahil sa contempt order

Samantala, nabanggit din ni VP Sara na nananatili pa rin daw ang takot ni Lopez na baka raw muling may magtangkang ilipat siya sa Women’s Correctional, kaya’t nakiusap daw ito na bumalik agad ang Pangalawang Pangulo sa kaniyang tabi.

“Sinabi niya na, bumalik daw ako mamayang gabi, kasi baka daw gabi na naman gawin yung pagkuha sa kaniya,’ saad ng Bise Presidente.

Noong Sabado, Nobyembre 23 ng umaga nang magbaba ng utos ang Kamara na ilipat daw sa Women’s Correctional si Lopez dahil umano sa panghihimasok ni VP Sara sa lagay nito sa kaniyang detention room.

Nakatakdang matapos ang detention kay Lopez sa darating na Lunes, Nobyembre 25, 2024, ngunit hindi raw tiyak si VP Sara kung dadalo pa raw ito sa magiging pagdinig ng Kamara hinggil pa rin sa budget ng Office of the Vice President (OVP) sa naturang araw.

Agusan del Sur, nilindol ng magnitude 5.3

Niyanig ng magnitude 5.3 na lindol ang Agusan del Sur nitong Huwebes ng gabi, Disyembre 26.Sa ulat ng Phivolcs, nangyari ang lindol bandang 6:26 nitong Huwebes. Naitala anila ang epicenter ng lindol sa Talacogan, Agusan del Sur na may lalim ng 12 kilometro. Tectonic ang pinagmulan ng pagyanig. Niatala ang Intensity IV sa Bislig at Hinatuan, Surigao del Sur; Intensity III sa Gingoog, Medina,...

Makabayan bloc, pinuna balak ni FPRRD na maging abogado ni VP Sara: 'Desperate political maneuver!'

Tahasang pinuna ng ilang mambabatas mula sa Makabayan bloc ang balak umano nina Vice President Sara Duterte at kaniyang ama na si dating Pangulong Rodrigo Duterte na maging magkasangga sa haharaping impeachment cases ng pangalawang pangulo.Ayon sa ulat ng Manila Bulletin nitong Huwebes, Disyembre 26, 2024, naglabas ng joint statement ang Makabayan Bloc at tinawag na taktika lamang daw ang planong...

Ilang araw bago ang New Year: Bilang ng mga naputukan, pumalo na sa 69

Iniulat ng Department of Health (DOH) na umabot na sa 69 ang naitala nilang fireworks-related injuries (FWRI) sa bansa matapos ang pagdiriwang ng Pasko.Sa inilabas na datos ng DOH nitong Huwebes, nabatid na nakapagtala pa sila ng 26 bagong kaso ng biktima ng paputok nitong Pasko, na mas mababa o kalahati ng 52 kaso na naitala sa kahalintulad na petsa noong nakaraang Pasko.Ayon sa DOH, ang naturang...