#SagipPelikula: Bakit dapat tangkilikin ng bagong henerasyon ang classic films?-Balita

#SagipPelikula: Bakit dapat tangkilikin ng bagong henerasyon ang classic films?

Taong 2011 nang magsimula ang ABS-CBN Film Restoration sa kanilang “Sagip Pelikula” initiative na naglalayong muling bigyang-kulay ang mga pelikulang tila napaglumaan na ng tagal ng panahong lumipas.

Base sa ulat ng ABS-CBN News, nakapag-restore na ang Sagip Pelikula ng mahigit 200 titulo ng klasikong pelikula, kabilang na ang digitally restored at remastered version ng Pinoy cinematic masterpieces na "Himala," "Oro, Plata, Mata," "Ganito Kami Noon… Paano Kayo Ngayon?," at "Dekada '70.”

Ngunit, bakit nga ba mahalaga pa ring tangkilikin sa henerasyon ng kasalukuyan ang mga pelikulang ng nakaraan?

Sa eksklusibong panayam ng Balita, ibinahagi ng manunulat at OIC ng Intertextual Division ng Cultural Center of the Philippines (CCP) na si Beverly “Bebang” Wico Siy, nararapat lamang na manood ng classic films ang bagong henerasyon, lalo na kabataan, dahil sinasalamin ng naturang uri ng pelikula ang kultura at kasaysayan ng bansa.

“Tayo, at ang kasalukuyang henerasyon ng kabataan ay dapat na nanonood ng classics o mga pelikula ng nakaraan dahil makikita nila kung paano nabubuhay at kung ano ang kultura ng mga Pilipino noon,” ani Siy.

“Magkakaroon sila ng ideya ano ang itsura nila, anong kinakain, paano nagsasalita, anong pananamit. So napakagandang uri ng dokumentasyon ang mga pelikula ng nakaraan,” dagdag niya.

Bukod dito, sinabi rin ni Siy na sa pamamagitan ng classic films, nagkakaroon ng ideya ang kabataan kung ano ang mga suliraning kinakaharap ng henerasyon noon at saka ano ‘yong mga tagumpay.

Ayon naman kay actress-host Sue Prado, na nagsilbing speaker at host sa pagpapalabas ng CPP Cine Icons ng classic film na “Ipaglaban Mo!: The Movie” para sa inisyatibong 18-Day Campaign to End Violence Against Women and Children (VAWC), mahalagang panoorin ng bagong henerasyon ang mga klasikong pelikula dahil dito mauunawaan ng kasalukuyan ang kasaysayan patungo sa mas mabuting hinaharap.

“Hindi natin malalaman, mahihirapan tayong maunawaan ang present at kung ano ang tinitingnan natin sa hinaharap kung hindi natin alam ang ating nakaraan,” saad ni Prado.

Ikaw, Ka-Balita, ano ang paborito mong classic film?

Sen. Bong Go, pinakiusapan si Sen. Imee na pagkasunduin muli sina PBBM, VP Sara

“Kung napagsama niya noon sa UniTeam ang Marcos at Duterte nung nakaraang eleksyon, baka sana pwede siyang maging instrument for peace and reconciliation…”Nanawagan si Senador Bong Go kay Senador Imee Marcos na muling pagkasunduin ang kapatid nitong si Pangulong Ferdinand “Bongbong” Marcos Jr. at itinituring din daw nitong kapatid na si Vice President Sara Duterte.Sa isang pahayag nitong...

Bam Aquino sa girian sa politika: 'Taumbayan na naman naiipit!'

Nagbigay ng pahayag ang re-electionist sa pagkasenador na si Bam Aquino kaugnay sa kasalukuyang pagkakawatak-watak ng mga dating magkakampi sa politika. Sa X post ni Aquino nitong Linggo, Nobyembre 24, sinabi niya kung sino ang higit na maaapektuhan sa pagitan ng kampo nina Pangulong Ferdinand “Bongbong” Marcos, Jr. at Vice President Sara Duterte, na dating magkasama sa UniTeam. “Sa gitna...

DepEd, nagbigay ng 4 na Filipino values na dapat matutuhan ng mga mag-aaral

Ipinaalala ng Department of Education (DepEd) ang apat na mahahalagang Filipino values na dapat matutuhan ng mga mag-aaral upang hubugin ang kanilang pagkakakilanlan at mas maiwasto kanilang ugali. Sa Facebook post ng DepEd Philippines nitong Huwebes, Nobyembre 21, binigyang-diin nila ang mga Filipino values na hindi lamang humuhulma sa ugali ng isang indibidwal, kundi nagbibigay rin ng...