Partido ni PBBM pinalagan death threat ni VP Sara-Balita

Partido ni PBBM pinalagan death threat ni VP Sara

By Kate Garcia

November 24, 2024

In BALITA

Naglabas ng opisyal na pahayag ang Partido Federal ng Pilipinas (PFP), partidong kinabibilangan ni Pangulong Ferdinand “Bongbong” Marcos, laban sa naging tahasang pahayag ni Vice President Sara Duterte noong Sabado, Nobyembre 23, 2024, na ipatumba si PBBM, First Lady Liza Marcos at House Speaker Martin Romualdez kung sakaling may mangyaring masama sa kaniya.

KAUGNAY NA BALITA: Pahayag ni VP Sara, ‘active threat’ sa buhay ni PBBM — Malacañang

Sa kanilang opisyal na Facebook post, sinabi ng partido nitong Linggo, Nobyembre 24 na kinokondena nila ang umano’y pang-aatake sa demokrasya ng bansa, maging sa anumang porma ng dahas na maaaring makaapekto sa buong bansa.

“We, the members of the Partido Federal ng Pilipinas (PFP), strongly and unequivocally condemn any attacks against our democracy. We reject all forms of violence, threats, or actions that jeopardize the safety of our people and the stability of our nation,” anang PFP.

Iginiit din ng PFP na ang mga salitang binitawan daw ni VP Sara ay isang nakaaalarmang mga pahayag at hindi rin daw sumasailalim sa mga prinsipyong bitbit ng Bagong Pilipinas.

“The statements made by Vice President Sara Duterte against the President and the First Lady are deeply alarming as it undermines the rule of law and foster a culture of lawlessness and impunity. Such rhetoric has no place in a democracy, in a Bagong Pilipinas that values accountability, peace, and order,” saad ng PFP.

Ipinanawagan din ng nasabing partido ang kahalagahan daw ng pagkakaisa at pagpapakumbaba bilang mga pinuno ng bansa.

“We urge our leaders to transcend personal and political interests, prioritize unity over division, and commit to fostering peace and moral recovery. As public servants, we must exemplify humility, discipline, and accountability in both our words and actions,” giit ng PFP.

Matatandaang nagsabi ng mga maaanghang na salita ang Bise Presidente laban kay PBBM at sa liderato ng Kamara hinggil sa umano’y panggigipit sa kaniya at sa Office of the Vice President (OVP).

KAUGNAY NA BALITA: Sagad na ang pasensya? VP Sara pinagmumura sina PBBM, FL Liza, Romualdez

Kaugnay nito, nanindigan ang PFP na mananatili umano silang may tiwala sa ilalim ng pamumuno ni PBBM.

“We reaffirm our unwavering support for the administration of President Ferdinand "Bongbong" Marcos, Jr., trusting that under his leadership, democracy, the rule of law, and national progress will prevail,” saad ng PFP.

Samantala, wala pang inilalabas na pahayag ang miyembro ng First Family maging si House Speaker Romualdez hinggil sa mga bantang inihayag ni VP Sara.

KAUGNAY NA BALITA: Giit ng Presidential Security Command, banta ni VP Sara: 'A matter of national security'

Agusan del Sur, nilindol ng magnitude 5.3

Niyanig ng magnitude 5.3 na lindol ang Agusan del Sur nitong Huwebes ng gabi, Disyembre 26.Sa ulat ng Phivolcs, nangyari ang lindol bandang 6:26 nitong Huwebes. Naitala anila ang epicenter ng lindol sa Talacogan, Agusan del Sur na may lalim ng 12 kilometro. Tectonic ang pinagmulan ng pagyanig. Niatala ang Intensity IV sa Bislig at Hinatuan, Surigao del Sur; Intensity III sa Gingoog, Medina,...

Makabayan bloc, pinuna balak ni FPRRD na maging abogado ni VP Sara: 'Desperate political maneuver!'

Tahasang pinuna ng ilang mambabatas mula sa Makabayan bloc ang balak umano nina Vice President Sara Duterte at kaniyang ama na si dating Pangulong Rodrigo Duterte na maging magkasangga sa haharaping impeachment cases ng pangalawang pangulo.Ayon sa ulat ng Manila Bulletin nitong Huwebes, Disyembre 26, 2024, naglabas ng joint statement ang Makabayan Bloc at tinawag na taktika lamang daw ang planong...

Ilang araw bago ang New Year: Bilang ng mga naputukan, pumalo na sa 69

Iniulat ng Department of Health (DOH) na umabot na sa 69 ang naitala nilang fireworks-related injuries (FWRI) sa bansa matapos ang pagdiriwang ng Pasko.Sa inilabas na datos ng DOH nitong Huwebes, nabatid na nakapagtala pa sila ng 26 bagong kaso ng biktima ng paputok nitong Pasko, na mas mababa o kalahati ng 52 kaso na naitala sa kahalintulad na petsa noong nakaraang Pasko.Ayon sa DOH, ang naturang...