‘Pinas, tutuparin mga kondisyon ng Indonesia para sa pagpapauwi kay Veloso

‘Pinas, tutuparin mga kondisyon ng Indonesia para sa pagpapauwi kay Veloso – DFA, DOJ

Ipinahayag ng Department of Foreign Affairs (DFA) at Department of Justice (DOJ) na tutuparin nila ang mga kondisyon ng Indonesia para sa pagpapauwi kay Mary Jane Veloso, ang Pilipinang nakulong nang mahigit isang dekada sa naturang bansa dahil sa kasong drug trafficking.

Sa kanilang joint statement na inilabas nitong Huwebes, Nobyembre 21, sinabi na susundin ng pamahalaan ang mga kondisyon ng Indonesian government, maliban sa death penalty na ipinagbabawal sa ilalim ng batas ng Pilipinas.

“On the transfer of Mary Jane Veloso from the Indonesian government to the Philippines, we are bound to honor the conditions that would be set for the transfer, particularly the service of sentence by Mary Jane in the Philippines, save the death penalty which is prohibited under our laws,” anang DFA at DOJ.

Kasalukuyan pa lamang naman daw pinagdidiskusyunan ang mga kondisyon ng Indonesia para sa nasabing paglilipat kay Veloso.

Matatandaang nitong Miyerkules, Nobyembre 20, nang ianunsyo ni Pangulong Ferdinand “Bongbong” Marcos Jr. na makakauwi na sa bansa si Veloso, isang overseas Filipino worker (OFW), matapos ang mahigit isang dekadang pakikipag-usap sa pamahalaan ng Indonesia.

MAKI-BALITA: Nasentensyahang si Mary Jane Veloso, babalik na sa Pilipinas—PBBM

Samantala, sa isang panayam nito ring Huwebes, sinabi ni Marcos na hindi nila sinasara ang posibilidad na pagkalooban ng clemency si Veloso.

Ayon pa sa pangulo, naibaba na ang sentensya para sa overseas Filipino worker (OFW) mula sa sentensyang death penalty patungo sa life imprisonment.

MAKI-BALITA: Mary Jane Veloso, posibleng pagkalooban ng clemency – PBBM

Taong 2010 nang arestuhin si Veloso, na ngayon ay 39-ayos, at sentensiyahan ng parusang kamatayan noong 2015 dahil umano sa pagtatangkang magdala ng 2.6 kilo ng heroin sa Indonesia.

Sa kaniyang paglilitis, iginiit ni Veloso na nalinlang lamang daw siya at hindi niya alam na may droga sa loob ng maletang dala-dala niya patungong Indonesia, na mula sa kaniyang recruiter.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...

‘Pinas, tutuparin mga kondisyon ng Indonesia para sa pagpapauwi kay Veloso – DFA, DOJ

‘Pinas, tutuparin mga kondisyon ng Indonesia para sa pagpapauwi kay Veloso – DFA, DOJ

Inirerekomendang balita

PBBM admin, nagsisilbing ‘totoong kalamidad’ sa ‘Pinas – Maza

4.5-magnitude na lindol, yumanig sa Surigao del Norte

Dalawang Tulfo brothers, nanguna sa survey ng senatorial race

Features

Opinyon