Sa Nobyembre 16, 17, at 18 na ang tatlong araw na "Grand BINIverse concert" ng Nation's girl group na "BINI" na gaganapin sa Smart Araneta Coliseum sa Cubao, Quezon City, na unang araw pa lamang ng pagbebenta ng tickets ay sold-out na ito; salamat sa matinding pagsuporta ng Blooms o tawag sa kanilang fans.
Pero makakasabay nito ang concert sa Pilipinas ng South Korean all-girl group din na "2NE1" sa Nobyembre 16 at 17 na gaganapin naman sa SM Mall of Asia Arena sa Pasay City. Bahagi ito ng kanilang Asian tour.
Kaya naman, gitgitan ang labanan ng tickets at audience, dalawang female groups at pareho pa ng forte sa performances.
Napaisip tuloy ang mga netizen kung bakit super bigatin ang guest performers ng BINI sa kanilang three-day concert; baka raw kasi na-shokot sa katapat na concert.
Regine, nakatanggap ng apology letter matapos maetsa-pwera sa billing ng MYX Global
Bukod sa drag queens at isang all-male group, magiging bahagi rin ng concert sina Regine Velasquez-Alcasid, Gary Valenciano, Maymay Entrata, at Vice Ganda.
Sabi sa official poster ng concert, sa Nobyembre 16 at 17 lamang lalabas si Regine, habang si Vice Ganda naman ay Nobyembre 17 at 18.
Wala namang naka-indicate na petsa sina Gary, Maymay, at iba pang guests.
Pero anuman ang dahilan kung bakit ganito kabibigat na pangalan sa industriya ang guest performers, ang mahalaga, ang panalo rito ay ang concert goers dahil tiyak na mag-eenjoy sila sa mga pasabog at ihahaing performance ng mga grupong ito.
