Usap-usapan ang isang TikTok video kung saan makikitang pabirong inilapit ni Iñigo Pascual si Sam Milby sa kaniyang "rumored ex-girlfriend" na si Miss Universe 2018 Catriona Gray habang nagbabasa ito ng spiels sa hosting, sa isang show.
Mahihinuhang ang nabanggit na event ay concert ng Cornerstone Entertainment artists sa Canada.
Makikita sa video na pabirong iginiya ni Iñigo si Sam kay Cat habang nagsasalita ito, subalit dedma lamang ang beauty queen at tuloy-tuloy lang sa hosting.
Natawa na lamang si Sam at binunggo nang bahagya si Ultimate Heartthrob Piolo Pascual na nasa entablado rin ng mga sandaling iyon.
Bea, 'di naniniwalang kasal ang hangganan ng lahat
Kamakailan lamang ay usap-usapan naman ang mga kuhang larawan kung saan makikitang hindi magkatabi sa flight sina Sam at Catriona.
Ang katabi ni Sam sa upuan ay si actor-director John Prats. Hindi naman eksaktong natukoy kung sino ang katabi ni Catriona.
Matatandaang lumabas ang tsikang hindi na matutuloy ang kasal ng engaged couple dahil sa kanilang hiwalayan, na hanggang ngayon, wala pa ring linaw sa tunay na dahilan.
MAKI-BALITA: Netizens, may napansin: Sam at Catriona, 'di magkatabi ng upuan sa eroplano?
