Nausisa ang Comedy Queen na si Ai Ai Delas Alas kung may third party ba ang mister niyang si Gerald Sibayan matapos niyang aminin ang kanilang hiwalayan.
Sa latest episode ng “Fast Talk with Boy Abunda” nitong Lunes, Nobyembre 11, inamin ni Ai Ai na may kutob daw siyang may iba si Gerald.
“Ako, ramdam ko mayro’n. Gut feel,” saad ni Ai Ai. “Pero it doesn’t matter naman kung mayro’n o wala na. Kasi no’ng sinabi niya na firm na siya sa [kaniyang] decision, wala na naman akong ilalaban ‘di ba?”
Dagdag pa niya: “‘Pag lumaban pa kasi ako, kunyari nag-stay ako, parang alam ko naman ‘yong magiging ending, e. ‘Yong dignity ko and ‘yong self-worth ko, mawawala na ‘yon. Magtira naman ako.”
Nakaiskor na ba? Kristel nahiya sa pulot-gata nila ng Oppa hubby
Maliban dito, ibinahagi rin ni Ai Ai ang tungkol sa pagtataksil umano ni Gerald sa kaniya noong 2019.
“So parang may trust issues na ako. So siguro isa ‘yon sa minsan hindi ko alam na pagtalak ko sa kaniya,” aniya.
Samantala, sa isang bahagi ng panayam, ikinuwento ni Ai Ai na sa pamamagitan ng text message nakipaghiwalay si Gerald sa kaniya dahil gusto na raw nitong magkaanak.
MAKI-BALITA: Ai Ai Delas Alas, kinumpirma hiwalayan nila ni Gerald Sibayan
