Hot topic sa "Ogie Diaz Showbiz Update" ang viral kissing video nina Dominic Roque at Sue Ramirez sa isang bar sa Siargao kamakailan.
Ayon daw sa source ni Ogie, umano'y nanliligaw pa lang daw si Dominic kay Sue, at ng tsika pa nga, nagpapadala pa raw ng food ang madir ni Dominic para sa aktres.
Pero sa ngayon daw ay tinitimpla pa raw ni Sue kung sasagutin niya si Dominic matapos ang limang taong relasyon nila ni Victorias City, Negros Occidental Mayor Javi Benitez, na kamakailan lamang ay nagsalita na rin tungkol dito.
MAKI-BALITA: Javi Benitez nagsalita na patungkol sa hiwalayan nila ni Sue Ramirez
'Pinayanig mo ang Pilipinas!' Maris, naunahan daw mag-launch ni Jam?
MAKI-BALITA: Javi Benitez, nilinaw na walang 'outside forces' sa hiwalayan nila ni Sue Ramirez
MAKI-BALITA: Javi kay Sue: 'I wish her nothing but happiness and the love she deserves!'
Tsika pa ni Ogie, kapag may nagkukuwento raw kay Sue patungkol kay Javi ay parang naiirita daw siya. Ayaw daw marinig ni Sue ang pangalan ng kaniyang ex-boyfriend.
"Ibig sabihin, hindi sila nagkatapusan nang maganda, nang maayos, hindi sila nag-break-up nang friends pa rin," pahayag pa ni Ogie.
At ang mas nakakaloka pa raw, isang aktor pa raw ang nagpapaalam kay Sue kung puwede siyang ligawan, bukod pa kay Dominic!
Ang aktor na ito ay may inisyal daw na double P, at maya-maya, binanggit na ang pangalan ni Ultimate Heartthrob Piolo Pascual.
"Totoo kaya?" tanong ni Ogie.
At nang matanong daw kung kumusta naman sila ng rumored girlfriend na si Shaina Magdayao, sinabi ni Ogie na magkaibigan lang daw talaga sina Piolo at Shaina.
Hintayin na lamang daw ang pagkumpirma rito ng mga nabanggit na pangalan dahil baka raw mali ang mga nakararating kay Ogie, at humingi na siya kaagad ng tawad kung mali man.
MAKI-BALITA: Sue Ramirez, Dominic Roque naispatang naghalikan?
