Travel expenses ni Ex-Pres. Duterte pa-Kamara, willing sagutin ng Quad-comm-Balita

Travel expenses ni Ex-Pres. Duterte pa-Kamara, willing sagutin ng Quad-comm

Nag-alok ang mga tagapangulo ng House quad-committee (quad-comm) na sagutin ang travel at accommodation expenses ni dating Pangulong Rodrigo Duterte basa’t dumalo umano ito sa kanilang pagdinig hinggil sa madugong giyera kontra droga ng kaniyang administrasyon.

Sinabi ito ni quad-comm overall chairman at Surigao del Norte 2nd district Rep. Robert Ace Barbers sa sa isang pahayag nitong Linggo, Nobyembre 10, na inulat ng Manila Bulletin.

“If finances are truly an issue, we’re ready to cover his travel and accommodations ourselves. This is about the people’s right to know the truth about alleged abuses in his administration’s anti-drug operations,” ani Barbers.

Ayon kay Barbers, kasama sa mga sasagot sa magiging gastos ni Duterte sa Kamara ay ang quad-comm co-chairmen na sina Santa Rosa City lone district Rep. Dan Fernandez, Manila 6th district Rep. Bienvenido "Benny" Abante Jr., at Abang Lingkod Party-list Rep. Joseph Stephen "Caraps" Paduano, chairman Antipolo City 2nd district Rep. Romeo Acop, at sina Senior Deputy Speaker Pampanga 3rd district Rep. Aurelio "Dong" Gonzales Jr., at Deputy Speaker Quezon 2nd district Rep. Danilo "Jay-jay" Suarez.

Matatandaang hindi dumalo ang dating pangulo sa dalawang naunang pagdinig ng quad comm noong Oktubre 22 at Nobyembre 7 sa kabila ng ipinadalang imbitasyon sa kaniya.

Samantala, dumalo naman si Duterte sa naging pagdinig ng Senate Blue Ribbon Committee noong Oktubre 28 hinggil sa parallel investigation nito sa war on drugs.

KAUGNAY NA BALITA: Ex-Pres. Duterte, ‘di hihingi ng tawad hinggil sa drug war: ‘I did it for my country!’

KAUGNAY NA BALITA: Utos ni Ex-Pres. Duterte sa mga pulis: 'Barilin mo sa ulo...'

KAUGNAY NA BALITA: Ex-Pres. Duterte, iginiit na ‘wag panagutin mga pulis sa drug war: ‘I take full responsibility’

Noong Hunyo ng taong ito nang ihayag ni human rights lawyer Chel Diokno na base sa 2017 year-end accomplishment report ng Office of the President (OP) sa ilalim ng administrasyon ni Duterte, 20,322 drug suspects umano ang napatay sa giyera kontra droga sa bansa mula lamang Hulyo 2016 hanggang Nobyembre 2017.

MAKI-BALITA: 20,332 indibidwal, napatay sa ‘drug war’ ng Duterte admin – Diokno

Giit ni Romualdez: ‘AKAP’ tugon daw ng gobyerno sa pagtaas ng presyo ng bilihin

Pinangunahan ni House Speaker Martin Romualdez ang pamimigay ng ayuda sa mga mall employees nitong Martes, Nobyembre 12.Ayon sa ulat ng Manila Bulletin, tinatayang nasa ₱268.5M ang naipamahagi nina Romualdez para sa 53,000 mall employees.Ang naturang pamamahagi ng ayuda ay alinsunod umano sa “Ayuda Para sa Kapos ang Kita Program” (AKAP) na siyang programa raw sa ilalim ng kasalukuyang...

Archdiocese of Manila, hindi mag-eendorso ng kandidato sa eleksyon

Hindi mag-eendorso ng sinomang politiko sa nalalapit na halalan ang Archdiocese of Manila.Ito ang nilinaw ni Manila Archbishop Jose Cardinal Advincula, kasabay ng pahayag na bahagi ng pagpapastol bilang arsobispo ang paggawad ng espirituwal na paggabay sa mga taong naghahangad maglingkod sa bayan.'Ang pagtanggap ng Arsobispo ng Maynila sa mga bumibisitang kandidato sa kanyang tahanan ay hindi...

Meralco, may dagdag-singil sa kuryente ngayong Nobyembre

Magpapatupad ang Manila Electric Co. (Meralco) ng dagdag-singil sa kuryente ngayong Nobyembre.Sa isang pulong balitaan, mismong si Meralco Spokesperson Joe Zaldarriaga ang nag-anunsiyo ng taas sa singil sa kuryente na aabot sa ₱0.4274/kWh.Ayon kay Zaldarriaga, bunsod ng naturang dagdag-singil, ang mga consumer na kumukonsumo ng 200 kwh kada buwan ay magkakaroon ng ₱85 na dagdag sa bayarin sa...

Travel expenses ni Ex-Pres. Duterte pa-Kamara, willing sagutin ng Quad-comm

Travel expenses ni Ex-Pres. Duterte pa-Kamara, willing sagutin ng Quad-comm

Inirerekomendang balita

Giit ni Romualdez: ‘AKAP’ tugon daw ng gobyerno sa pagtaas ng presyo ng bilihin

Archdiocese of Manila, hindi mag-eendorso ng kandidato sa eleksyon

Meralco, may dagdag-singil sa kuryente ngayong Nobyembre

Features

Opinyon