Sen. Tulfo, kinumpirmang kaanak ng senador sakay ng SUV na may plakang no.7-Balita

Sen. Tulfo, kinumpirmang kaanak ng senador sakay ng SUV na may plakang no.7

Kinumpirma ni Senate Committee on Public Services Chairperson Raffy Tulfo na wala sa 24 mga senador ang nakasakay sa kontrobersyal na sasakyang may plakang no.7 na ilegal na dumaan sa EDSA busway noong Nobyembre 3, 2024.

Bagama’t wala sa naturang mga senador ang sakay nito, iginiit naman ni Tulfo, na kamag-anak daw ng isa sa mga senador ang sakay ng nasabing sasakyan.

Matatandaang noong Nobyembre 6, 2024 nang iharap ng Land Transportation Office (LTO) sa media ang driver ng naturang sasakyan na kinilalang si Angelito Edpan. Kaugnay nito, nilinaw din niya na ang kaniyang sasakyang minamaneho ay pagmamay-ari ng Orient Pacific Corp., at peke umano ang plate no.7 nakakabit dito.

KAUGNAY NA BALITA: LTO, tukoy na may-ari ng SUV na ilegal na pumasok sa EDSA busway

Sa kabila ng pagladlad sa publiko, tumangging pangalanan ni Edpan at ng abogado ng Orient Pacific Corp., ang sakay ng naturang sasakyan, at iginiit na guest at investor daw ang mga ito.

Samantala, sa press briefing na isinagawa ni Tulfo noong Nobyembre 6, 2024, tahasan niyang sinabing ang naturang guest at pasaherong tinutukoy umano nina Edpan ay kamag-anak ng isang senador.

“Related ito sa isang senador pero hindi 'yong senador 'yong sakay ng SUV na 'yan at the time. Kamag-anak ng isang senador,” ani Tulfo.

Naging matipid ang tugon ni Tulfo nang tanungin siya ng media kung tukoy na niya raw ang pangalan ng naturang VIP na sakay ng nasabing sasakyan.

“Yes,” tugon ni Tulfo.

Ilang miyembro naman ng press ang nagbanggit ng pangalan nina “William” at “Kenneth Gatchalian” na sinabing konektado sa Orient Pacific Corp.,

“Ang may-ari ng sasakyan ay ‘yong Orient Pacific Corp., na kung saan ay board members nga yung binanggit mong mga pangalan,” ani Tulfo.

Nang muling linawin ng media kung isa nga sa mga nabanggit na pangalan ang sakay ng naturang sasakyan, isang matipid na sagot ang muling itinugon ni Tulfo.

"Base sa intel ko, mukhang tumutugma.”

Si William Gatchalian ang umano’y ama ni Sen. Sherwin Gatchalian, habang si Kenneth Gatchalian naman ay kapatid nito at Presidente ng Orient Pacific Corp.

Samantala, wala pang inilalabas na opisyal na pahayag si Sen. Gatchalian bagama’t nauna na niyang itanggi noon na wala raw siyang pagmamay-aring puting sasakyan na katulad ng dumaan sa EDSA sa busway.

Kate Garcia

FL Liza Araneta-Marcos, nanguna sa pagbubukas ng ilang atraksyon sa Intramuros

Opisyal nang pinasinayaan ng Intramuros ang bago at mas pinagandang mga atraksyon ngayong holiday season.Dinaluhan ni First Lady Liza Araneta-Marcos at iba pang opisyal ng gobyerno ang engrandeng pasilip ng Intramuros sa dalawa sa mga natatanging atraksyon ng lugar kasama ang pagpapaliwanag sa Plaza Roma nitong Huwebes, Nobyembre 21, 2024. Upang opisyal na ideklara ang muling pagbubukas sa...

VP Sara, dinamayan tauhan niyang nakadetine sa Kamara dahil sa contempt order

Kinumpirma ni Secretary General Reginald Velasco sa media nitong Biyernes ng umaga, Nobyembre 22, 2024 na nagpalipas ng gabi si Vice President Sara Duterte sa House of Representatives nitong Huwebes, Nobyembre 21, upang damayan umano ang kaniyang chief of staff na si Zuleika Lopez na naka-detain sa Kamara.Matatandaang nabigyan ng contempt order si Lopez sa pagdinig ng House committee on good...

Tinapyasang budget ng opisina ni VP Sara, ‘di na dapat baguhin – Sen. Risa

Iginiit ni Senador Risa Hontiveros na hindi na kinakailangang baguhin ang ₱733-million budget ng Office of the Vice President (OVP) para sa 2025.Sa isinagawang Kapihan sa Senado nitong Huwebes, Nobyembre 21, sinabi ni Hontiveros na sapat na ang nasabing pondo ng opisina ni Duterte dahil nakapag-operate naman daw ang OVP sa ilalim ng mga nagdaang administrasyon kahit ganoon ang antas ng kanilang...