Naglabas ng advisory ang Department of Education (DepEd) na nagsasabing walang nagaganap na korapsyon o katiwalian sa pamumuno ng dating senador at DepEd Secretary Sonny Angara sa kagawaran, ayon sa kanilang post sa DepEd Philippines.
Ito ay may kinalaman umano sa transparency sa procurement process na isinagawa ng kagawaran para mas maibigay ang serbisyo-publiko sa sektor ng edukasyon, kapakanan ng mga guro, at lalo't higit ng mga mag-aaral.
"Walang korapsyon sa pamumuno ni Secretary Sonny Angara," mababasa sa DepEd Advisory.
"The Department of Education (DepEd) is committed to fair and transparent procurement processes. We adhere to Republic Act No. 9184 (Government Procurement Reform Act) to ensure equal opportunity for all qualified bidders at all levels—from the Central Office to our public schools."
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Dagdag pa, "We strongly condemn any corrupt practices in DepEd's procurement activities. Any individual or entity found guilty will face severe consequences, including blacklisting and criminal charges."
Hinikayat naman ng DepEd na agad na isumbong ang sinumang DepEd personnel na nagsasagawa ng katiwalian, lalo na sa procurement.
"Your reports will be treated with the utmost confidentiality and in accordance with data privacy laws," paniniguro ng DepEd.
