Socmed registration ng mga kandidato, walang lalabaging freedom of expression

Socmed registration ng mga kandidato, walang lalabaging freedom of expression—Comelec

Muling nilinaw ng Commission on Elections (Comelec) na wala raw silang balak na labagin ang freedom of expression ng mga kandidato sa 2025 midterm elections.

Ito ay alinsunod sa “Comelec Resolution 11064,” na nagmamandato sa mga kandidato na irehistro sa ahensya ang kani-kanilang social media accounts.

KAUGNAY NA BALITA: Comelec, inoobliga na mga kandidato na iparehistro ang kanilang social media accounts

Ayon sa Article 1, Section 1 ng naturang resolusyon, binibigyang kapangyarihan nito ang Comelec na ma-regulate ang lahat ng social media accounts ng mga kandidato, maging ang paggamit ng mga ito ng artificial intelligence (AI) at anumang internet technology para sa kani-kanilang online campaigns.

“The coverage of these guidelines shall be limited to the regulation of the use, and the prohibition, and punishment of the misuse of social media, artificial intelligence, and internet technology, for purposes of digital election campaigning for the 2025 National and Local Elections and the BARMM parliamentary Elections.”

Samantala, sa panayam ng TeleRadyo Serbisyo kay Comelec Chairman George Erwin Garcia, nitong Linggo, Nobyembre 3, 2024, iginiit niyang wala raw balak saklawan ng ahensya ang bawat social media contents ng mga kandidato.

“Sinigurado naman po namin dito sa guidelines, na amin pong ipapatupad, na hindi po kami, na wala po kaming pakialam sa content, hindi po namin 'yan papakialamanan, sapagkat 'yong content maaaring lumabag ka na sa doon sa tinatawag na freedom of expression or freedom of speech,” ani Garcia.

Dagdag pa ni Garcia, ito na rin daw ang nakikita nilang panahon na ma-regulate ang social media, kagaya ng kung paano raw nila binabantayan ang pangangampanya ng mga kandidato sa national TV, radyo at dyaryo.

“Eh bakit ang radyo, ang TV, ang dyaryo, nare-regulate? Sobra nga ang regulasyon eh, pinapa-submit ang mga kontrata, mino-monitor namin kung magkano ang gastos, at pagkatapos ilang minuto, gaano kalaki,” saad ni Garcia.

Hindi na raw kase aniya, maaaring walang sistema sa social media.

“Eh pagka social media walang regulasyon? Siguro naman hindi puwede 'yung ganung sistema,” dagdag ni Garcia.

Matatandaang ito ang unang pagkakataon na magpatupad ang Comelec ng isang regulasyong sasaklaw sa social media, sa kasagsagan ng kampanya para sa paparating na eleksyon.

Kate Garcia

Diokno kay Ex-Pres. Duterte: ‘Tara na, i-set na natin ang date mo sa ICC!’

Nagbigay ng mensahe si human rights lawyer at Akbayan First Nominee Atty. Chel Diokno para kay dating Pangulong Rodrigo Duterte matapos ang naging pahayag nito ukol sa International Criminal Court (ICC) nang dumalo siya sa pagdinig ng House quad committee hinggil sa war on drugs ng kaniyang administrasyon.Matatandaang sa isinagawang pagdinig ng House quad committee noong Miyerkules, Nobyembre 13,...

Ex-Pres. Duterte, magsasampa raw ng libel case laban kay Trillanes

Inihayag ni dating Pangulong Rodrigo Duterte ang plano niyang pagsasampa ng libel case laban kay dating Senador Antonio 'Sonny' Trillanes IV, kasunod ng naging alegasyon daw nito sa kaniya sa Quad Comm hearing noong Nobyembre 13, 2024.Binanggit ng dating Pangulo ang naturang plano matapos niyang tumawag sa kalagitnaan ng TikTok at Facebook live ni dating Presidential Spokesperson...

Pepito, mas lumakas pa; Signal #2, nakataas sa 3 lugar sa Visayas

Nakataas na ang Signal No. 2 sa tatlong mga lugar sa Visayas dahil sa bagyong Pepito na mas lumakas pa, ayon sa 5 PM bulletin ng Philippine Atmospheric, Geophysical and Astronomical Services Administration (PAGASA) ngayong Biyernes, Nobyembre 15.Sa tala ng PAGASA, huling namataan ang Typhoon Pepito 465 kilometro ang layo sa silangan ng Guiuan, Eastern Samar.Taglay nito ang lakas ng hanging aabot...