Papalabas na sa Philippine area of responsibility (PAR) ang bagyong Kristine ngayong Biyernes, Oktubre 25, habang inaasahan namang papasok sa weekend ang binabantayang bagong bagyo na pangangalanang “Leon”, ayon sa Philippine Atmospheric, Geophysical and Astronomical Services Administration (PAGASA).
Sa update ng PAGASA kaninang 11:00 ng umaga, huling namataan ang Severe Tropical Storm Kristine 255 kilometro ang layo sa West Northwest ng Bacnotan, La Union o 255 kilometro ang layo sa West Southwest ng Sinait, Ilocos Sur.
Taglay pa rin nito ang lakas ng hanging aabot sa 95 kilometers per hour malapit sa sentro at pagbugsong aabot sa 115 kilometers per hour.
Kumikilos ito pa-West northwestward sa bilis na 15 kilometers per hour.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Nakataas pa rin naman ang Tropical Cyclone Wind Signal (TCWS) sa mga sumusunod na lugar:
SIGNAL NO. 2
Luzon:
Northwestern portion ng mainland Cagayan (Santa Praxedes, Claveria, Sanchez-Mira, Abulug, Pamplona)
Babuyan Islands
Nueva Vizcaya
Apayao
Abra
Kalinga
Mountain Province
Ifugao
Benguet
Ilocos Norte
Ilocos Sur
La Union
Pangasinan
Nueva Ecija
Tarlac
Pampanga
Zambales,
Northern portion ng Bataan (Morong, Hermosa, Dinalupihan, Bagac, Orani, Samal, Abucay, City of Balanga)
SIGNAL NO. 1
Luzon:
Metro Manila
Batanes
Mga natitirang bahagi ng mainland Cagayan
Isabela
Quirino
Aurora
Bulacan
Mga natitirang bahagi ng Bataan
Cavite
Batangas
Laguna
Rizal
Quezon
Occidental Mindoro
Oriental Mindoro
Marinduque
Romblon
Northern portion ng Palawan (El Nido, Taytay, San Vicente, Dumaran, Araceli) kabilang na ang Calamian, Cuyo, at Kalayaan Islands
Camarines Norte
Camarines Sur
Burias Island
Visayas:
Northern portion ng Aklan (Buruanga, Malay, Nabas, Ibajay)
Northern portion ng Antique (Libertad, Pandan) kabilang na ang Caluya Islands
Inaasahang lalabas ng PAR ang bagyong Kristine mamayang hapon o gabi.
Samantala, anang PAGASA, posible namang pumasok sa PAR ang binabantayan nilang bagyo na huling namataan 2,235 kilometro ang layo sa silangan ng Eastern Visayas.
Taglay ng nasabing tropical depression ang lakas ng hanging aabot sa 55 kilometers per hour at pagbugsong aabot sa 70 kilometers per hour.
Kumikilos ito pa-northwest sa bilis na 20 kilometers per hour, kung saa inaasahan itong makakapasok ng PAR sa weekend.
Kapag nakapasok na ng PAR, pangangalanan ang bagyo na “Leon” at ito ang magiging ika-12 bagyo sa bansa ngayong 2024.
