Kalunos-lunos ang sinapit ng labing-apat na katao sa bahagi ng Brgy. Sampaloc, Talisay, Batangas nitong Biyernes ng umaga, Oktubre 25.
Sa ulat ng Police Regional Office (PRO) ng Calabarzon kaninang 11:50 a.m. nitong Biyernes, patay na umano nang matagpuan ang mga katawang natabunan ng lupa at malalaking bato dahil sa malakas na ulang dala ng bagyong Kristine.
Samantala, ayon naman sa ulat ng ABS-CBN News, anim pa raw ang nawawalang katawan matapos maguhuan ng lupa.
Kaya naman, patuloy pa rin ang PRO sa pagsasagawa ng search, rescue, and retrieval operations sa nasabing lugar.
Empleyadong lasing, patay matapos sapakin ng ginising na katrabaho
Matatandaang ayon sa 5:00 a.m. weather bulletin ng PAGASA noong Huwebes, Oktubre 24, nakataas sa singal number 2 ang lalawigan ng Batangas.
MAKI-BALITA: 'Kristine,' nag-landfall na; panibagong LPA, binabantayan
